مەملەكەت باسشىسى قاسىم-جومارت توقايەۆ 20 مامىردا رەسەيدىڭ ءسىم باسشىسى سەرگەي لاۆتوۆدى اقوردادا قابىلدادى. سەرگەي لاۆروۆ بۇعان دەيىن ق ر پرەمەر-مينيسترىنىڭ ورىنباسارى – سىرتقى ىستەر ءمينيسترى مۇرات نۇرتىلەۋمەن كەزدەسۋ وتكىزگەن ەدى.
قابىلداۋ بارىسىندا مەملەكەت باسشىسى رەسەي ديپلوماتىنا ءىلتيپات بىلدىرە وتىرىپ، ەكى ەلدىڭ قاتىناستارى ستراتەگيالىق سەرىكتەستىك جانە وداقتاستىق رۋحىندا قارقىندى دامىپ كەلە جاتقانىن اتاپ ءوتتى. ءبىر قىزىعى رەسەيدىڭ سىرتقى ساياسي ۆەدومستۆوسى بەرگەن اقپاراتتا م. نۇرتلەۋمەن بولعان كەزدەسۋ بارىسىندا وداقتاستىق جانە ستراتەگيالىق سەرىكتەستىكتى نىعايتا بەرەمىز دەپ جازىلعان. ياعني، ءار ەلدىڭ بۇل تۇستا جەكە مۇددەسى ەسكەرىلگەن سياقتى. ارينە بۇل زاڭدى قۇبىلىس.
سونىمەن قاتار، "ساۋدا-ەكونوميكالىق ىنتىماقتاستىقتى ودان ءارى نىعايتۋ جانە ينۆەستيسيالىق-ونەركاسىپتىك كووپەراسيانى ىلگەرىلەتۋ ماسەلەلەرىنە ەرەكشە نازار اۋدارىلدى" - دەپ حابارلاعان اقوردا. ال قازاقستاننىڭ ءسىم م. نۇرتلەۋ رەسەيلىك ارىپتەسىمەن كەزدەسۋ كەزىندە "تاراپتار ساياسي، ساۋدا-ەكونوميكالىق، ينۆەستيسيالىق جانە مادەني ىنتىماقتاستىقتىڭ كەڭ اۋقىمدى ماسەلەلەرىن تالقىلادى"، - دەلىنگەن. ياعني، ساياسي ماسەلەلەر مينيسترلەر دەڭگەيىندە تالقىلانعان كورىنەدى.
سەرگەي لاۆروۆتىڭ 20-21 مامىردا استاناعا كەلەتىنى تۋرالى كورشى ەلدىڭ سىرتقى ساياسي ۆەدومستۆوسى 19 مامىردا حابارلاعان بولاتىن. حابارلامادا شىۇ سىرتقى ىستەر مينيسترلەر كەڭەسىندەگى رەسەيدىڭ وتىرىستان كۇتەتىن ناتيجەلەرى تۋرالى ايتىلعان. ماسكەۋ اسىرەسە ۇيىمنىڭ سىرتقى ساياسي ماسەلەلەرىنە باسا نازار اۋدارىپ وتىر. اتاپ وتەر بولساق:
1. ماسكەۋ ءۇشىن جاعا جاھاندىق ءتارتىپ ارحيتەكتۋراسىن قۇرۋ ماسەلەسى نەگىزگى تاقىرىپ بولماق. رەسەي بۇل باعىتتا تەڭ جانە بولىنبەيتىن ەۋرازيا كونتۋرىن قۇرۋعا، سونىمەن قاتار وعان سىرتتان قولسۇعۋشىلىققا جول بەرمەۋگە مۇددەلى.
2. گازا سەكتورىنداعى جانە جالپى تاياۋ شىعىستاعى جاعداي بويىنشا پىكىر الماسۋ. اسىرەسە پالەستينا-يزرايل قاقتىعىسىن رەتتەۋ ماسەلەسىنە بازا نازار اۋدارىلادى.
3. سونىمەن قاتار اۋعانستانداعى تۇراقتىلىق ماسەلەسى ماسكەۋدىڭ باستى نازارىندا.
20 مامىردا سەرگەي لاۆروۆ استانادا بىرنەشە ماڭىزدى كەزدەسۋ وتكىزدى. ول الدىمەن قحر سىرتقى ىستەر ءمينيسترى ۆان ي-مەن كەزدەزدى. كەيىن ق ر پرەمەر-مينيسترىنىڭ ورىنباسارى – سىرتقى ىستەر ءمينيسترى مۇرات نۇرتىلەۋمەن كەزدەسىپ، مەملەكەت باسشىسى قاسىم-جومارت توقايەۆتىڭ قابىلداۋىندا بولدى.
س. لاۆروۆتىڭ كەزدەسۋلەردەگى كەزەكتىلىكتىڭ وزىندە ساياسي استار بار. ۆان ي-مەن كەزدەسۋ ارقىلى الداعى وتەتىن ۇيىمعا مۇشە مەملەكەتتەردىڭ سىرتقى ىستەر مينيسترلەرى كەڭەسىندە قاراستىرىلاتىن ماسەلەلەر بويىنشا ۋاعدالاستىققا كەلۋ. سونىمەن قاتار، 16-17 مامىردا رەسەي پرەزيدەنتى ۆ. ءپۋتينننىڭ قىتايعا رەسمي ساپارى بارىسىندا ەكى ەل اراسىنداعى كەلىسىمدەردى جۇزەگە اسىرۋ. رەسەي-قىتاي اراسىنداعى جان-جاقسى سەرىكتەستىك قاتىناس پەن ستراتەگيالىق ءوزارا ارەكەتتى ومىرشەڭ ەتۋ ءۇشىن كەزدەستى.
سونىمەن قاتار كەزدەسۋدە كەلەسى ماسەلەلەر تالقىلاندى:
1. رەسەي مەن قىتايدىڭ سىرتقى ساياسي ۆەدومستۆولارىنىڭ باسشىلارى ۇيىمعا مۇشە مەملەكەتتەردىڭ ەۋرازياداعى بەيبىتشىلىك پەن تۇراقتىلىقتى قولداۋ جونىندەگى ۇجىمدىق كۇش-جىگەرىن قۇپتاپ، ۇيىمنىڭ الەمدىك جانە وڭىرلىك ىستەردەگى ءوسىپ كەلە جاتقان بەدەلىن اتاپ ءوتتى.
2. بۇۇ مەن ونىڭ قاۋىپسىزدىك كەڭەسىندە، شىۇ-دا، BRICS-تە، «G-20»، اتەا-تە جانە باسقا دا نەگىزگى حالىقارالىق ۇيىمدار مەن ديالوگتىق تەتىكتەردە ءوزارا ۇيلەستىرۋدى ارتتىرۋعا ەكى جاقتى نيەت راستالدى. تاياۋ شىعىستى رەتتەۋدى، قىزىل تەڭىز بەن كورەي تۇبەگىندەگى جاعدايدى قوسا العاندا، ءبىرقاتار «قىزۋ» تاقىرىپتار تالقىلاندى. ەۋرواتلانتيكالىق تەتىكتەردىڭ توقىراۋى اياسىندا ەۋرازيالىق قاۋىپسىزدىكتىڭ جاڭا ارحيتەكتۋراسىن قۇرۋ قاجەتتىلىگى اتاپ ءوتىلدى.
3. س. لاۆروۆ ۋكراينا داعدارىسىن رەتتەۋ جونىندەگى سالماقتى، تەڭگەرىمدى ۇستانىمى ءۇشىن قىتايلىق ارىپتەستەرىنە ريزاشىلىعىن ءبىلدىرىپ، قحر ءتوراعاسى سي ءسزينپيننىڭ رەسەي مەن ۋكراينا تەڭ قۇقىلى قاتىسقان جاعدايدا بەيبىت كونفەرەنسيا ۇيىمداستىرۋ، قاۋىپسىزدىك پەن قازىرگى احۋال سالاسىنداعى ماسكەۋدىڭ زاڭدى مۇددەلەرىن ەسكەرۋ جونىندەگى ۇسىنىسىن قۇپتادى.
4. ازيا-تىنىق مۇحيتى وڭىرىندەگى احۋال بويىنشا اقش پەن ونىڭ وداقتاستارىنىڭ ءاتو جەكەلەگەن ەلدەرىن قاۋىپسىزدىكتىڭ اسەانوورتالىق جۇيەسىن بۇزاتىن ءتۇرلى تار بلوكتى فورماتتارعا تارتۋ، وڭىرگە قارۋلانۋدىڭ تۇراقسىزداندىرۋشى جۇيەلەرىن ورنالاستىرۋ جونىندەگى ارانداتۋشىلىق قىزمەتىن جانداندىرۋ تۇرعىسىنان تەرەڭ پىكىر الماسۋ ءوتتى.
5. تاراپتار تايۆان ماسەلەسىندە قحر ىشكى ىستەرىنە ءۇشىنشى ەلدەردىڭ ارالاسۋىن ءبىراۋىزدان ايىپتادى. 20 مامىردا تايۆان «پرەزيدەنتى» قىزمەتىنە كىرىسۋ ءراسىمى اياسىندا رەسەي ءسىم باسشىسى ماسكەۋدىڭ «ءبىر جۇڭگو» قاعيداسىن بەرىك ۇستاناتىنىن راستادى.
العاشقى ەكى ماسەلەدە ەكى تاراپتىڭ دا مۇددەلەرى ەسكەرىلگەن. ال ءۇشىنشى ماسىلەدە رەسەيدىڭ، سوڭعى ەكەۋىندە قىتايدىڭ مۇددەسى كورىنەدى.
ەلدىڭ سىرتقى ساياساتى Alnews-ڭ باقىلاۋىندا.
