رەسەيدىڭ پرەزيدەنتى وسىعان دەيىن، 18 مامىردا قازاقستان رەسپۋبليكاسىنىڭ پرەزيدەنتى قاسىم-جومارت توقايەۆپەن تەلەفون ارقىلى سويلەسكەن ەدى، - دەپ حابارلايدى alnews.
وزبەكستان رەسپۋبليكاسى پرەزيدەنتىنىڭ رەسمي سايتىنىڭ تاراتقان اقپاراتىنا سۇيەنسەك، شاۆكات ميرزيەيەۆ پەن ۆلاديمير پۋتين 21 مامىردا تەلەفون ارقىلى سويلەسكەن. تاراپتار اسىرەسە ساۋدا-ەكونوميكالىق جانە مادەني-گۋمانيتارلىق سالاعا اسا ءمان بەرگەن.
"تاۋار اينالىمىنىڭ كولەمىن ارتتىرۋ، جەتەكشى كاسىپورىنداردىڭ كووپەراسيا جوبالارىن ىسكە اسىرۋ جانە مادەني-گۋمانيتارلىق الماسۋ باعدارلامالارىن، ونىڭ ىشىندە ءوڭىرارالىق بايلانىستاردى جانداندىرۋ جولىمەن ىلگەرىلەتۋ ماسەلەلەرىنە ەرەكشە نازار اۋدارىلدى"، - دەپ حابارلاعان وزبەكستان تاراپى.
سونىمەن قاتار، ەكى ەل باسشىلارى وزبەك-رەسەي كوپجوسپارلى ىنتىماقتاستىعىن ودان ءارى كەڭەيتۋ، جان-جاقتى ستراتەگيالىق ارىپتەستىك پەن وداقتاستىق قارىم-قاتىناستارىن نىعايتۋ ماسەلەلەرىن تالقىلادى.
ەستەرىڭىزگە سالا كەتەيىك، قاسىم-جومارت توقايەۆ پەن ۆلاديمير پۋتين قازاقستان مەن رەسەي اراسىنداعى ستراتەگيالىق سەرىكتەستىك جانە وداقتاستىق رۋحىنداعى قاتىناستاردى ودان ءارى نىعايتۋعا نيەتتى ەكەنىن راستاعان بولاتىن.
