ءسىم جەتەكشىلەرى ورتاسىنداعى كەلىسسوزدە قازاق-قىتاي ىنتىماقتاستىعىنىڭ كەڭ اۋقىمدى ماسەلەلەرىن، ونىڭ ىشىندە ساياسي، ساۋدا-ەكونوميكالىق جانە مادەني-گۋمانيتارلىق سالالارداعى ءوزارا ءىس-قيمىلداردى، قازىرگى جاعدايى مەن پەرسپەكتيۆالارىن تالقىلاعان.
بۇدان كەيىن جۇڭگو ءسىم جەتەكشىسى مەملەكەت باسشىسى قاسىم-جومارت توقايەۆتىڭ قابىلداۋىندا بولدى. پرەزيدەنت ەكى ەل قارىم-قاتىناسىنىڭ بولاشاعىنا زور سەنىم ءبىلدىردى.
قازاقستان قىتايدىڭ سەنىمدى سەرىكتەسى جانە سولاي بولىپ قالا بەرەدى. بۇعان دەيىن قول جەتكىزىلگەن ۋاعدالاستىقتاردى جۇزەگە اسىرۋ ءۇشىن قولدان كەلگەننىڭ ءبارىن جاسايمىز. شىن مانىندە، ەكى ەل اراسىنداعى بايلانىستار مەن ىنتىماقتاستىقتىڭ بولاشاعى زور، – دەدى پرەزيدەنت.
ۆان يمەن قاتار ەلىمىزگە رەسەي ءسىم باسشىسى سەرگەي لاۆروۆتا كەلدى. جاقىندا عانا رەسەي پرەزيدەنتى ۆلاديمير پۋتين قىتايعا مەملەكەتتىك ساپارمەن بارىپ، قحر ءتوراعاسى سي سزينپينمەن كەزدەسۋ وتكىزگەن بولاتىن. تاراپتار ورتاق مالىمدەمە جاساپ، ەكى ەل بايلانىستارىنىڭ جاڭا دەڭدەيدە دامي تۇسەتىنىن اڭعارتقان.
