جەتىسۋ اۋدانىنىڭ اينابۇلاق شاعىن اۋدانىندا «الماتى جىلۋ جەلىلەرى» ج ش س تاپسىرىسى بويىنشا ەكى جىل بۇرىن باستالعان جىلۋ جەلىلەرىن جاڭعىرتۋ جۇمىستارى اياقتالدى. وسىلايشا جالپى ۇزىندىعى 5865 مەتر بولاتىن جىلۋ جەلىلەرى جاڭارتىلدى، - دەپ حابارلايدى alnews.
2022 جىلى 1730 م، 2023 جىلى – 2000 م، ال 2024 جىلى – 2135 م جەلىلەر قايتا قۇرىلدى.
بيىل «اينابۇلاق» تم-18 جىلۋ ماگيسترالى بويىنشا ماقاتايەۆ كوشەسىندە (جۇمابايەۆ كوشەسىنەن پاۆلودارسكايا كوشەسىنە دەيىنگى ارالىق) جاڭعىرتۋ جۇمىستارى اياقتالدى.
نەگىزگى قۇرىلىس-مونتاج جۇمىستارى 2024-2025 جج. كۇزگى-قىسقى كەزەڭ باستالعانعا دەيىن اياقتالدى.
قازىرگى ۋاقىتتا وسى ۋچاسكەنى كورىكتەندىرۋ – جول توسەمىن ۇساق تۇيىرشىكتى اسفالتپەن توسەۋ جۇمىستارى جۇرگىزىلىپ جاتىر، كەيىن جول تاڭبالارى سىزىلادى.
ايتا كەتەيىك، جىلۋ ماگيسترالى 1981 جىلى پايدالانۋعا بەرىلگەن، ونىڭ پايدالانۋ مەرزىمى 43 جىل، ال نورماتيۆتىك پايدالانۋ مەرزىمى 25 جىل.
جوبا 344 كوپقاباتتى ءۇيدىڭ، 11 مەكتەپتىڭ، 3 دەنساۋلىق ساقتاۋ نىسانىنىڭ جانە 483 باسقا دا نىساننىڭ تۇرعىندارىن ساپالى جىلۋمەن قامتاماسىز ەتەدى.
بيىل الماتى اكىمى ەربولات دوسايەۆتىڭ تاپسىرماسىمەن 20 شاقىرىم جىلۋ جەلىسى قايتا جاڭعىرتىلىپ، قالانىڭ 6 اۋدانىندا جىلۋارالىق كەزەڭدە جۇمىستار جۇرگىزىلدى. قايتا جاڭارتۋدان كەيىن ۋچاسكەلەر اۋا-رايىنا بايلانىستى كەزەڭ-كەزەڭىمەن كورىكتەندىرىلەدى.
