الماتىدا ينجەنەرلىك ينفراقۇرىلىمدى جاڭارتۋ قارقىندى جۇرگىزىلۋدە، دەپ حابارلادى قالالىق ەنەرگەتيكا جانە سۋمەن جابدىقتاۋ باسقارماسى.
بيىل 9 ايدا 219 كم جاڭا سۋ قۇبىرى جانە سۋ بۇرۋ جۇيەلەرى سالىندى، 27،3 كم قولدانىستاعى جەلىلەر جاڭعىرتىلدى. 2025 جىلى تاعى 260 كم قۇرىلىس جانە 87 كم جەلىنى جاڭعىرتۋ جوسپارلانعان.
ەلەكترمەن جابدىقتاۋ سالاسىندا قاڭتاردان قىركۇيەككە دەيىن 66 كم جەلى قايتا قۇرىلدى. 2025 جىلى تاعى 123 كم جەلىنى جاڭعىرتۋ جوسپارلانۋدا. سونداي-اق، الماتى قالاسىنىڭ ەلەكتر جەلىلەرىن 2030 جىلعا دەيىن، ال بولاشاقتا 2040 جىلعا دەيىن دامىتۋ سحەماسى ازىرلەندى.
الماتىدا ساپالى جىلۋمەن جابدىقتاۋ ءۇشىن 20 كم جەلى قايتا قۇرىلدى. «اتكە» ج ش س 4 قازاندىقتى جاڭارتىلىپ، 81 قازاندىقتى جوندەۋدەن وتكىزدى. بۇل جەلىلەردىڭ توزۋىن 57،9%-دان 56،1%-عا تومەندەتۋگە مۇمكىندىك بەردى.
2024 جىلى جىلىتۋ ماۋسىمى 7 قازاندا باستالدى، دايىندىق 100%. قازىرگى جىلىتۋ ماۋسىمىنا 140% كومىر جانە 100% مازۋت قورى جينالدى. بارلىعى 404 ءبىلىم بەرۋ نىسانى، 128 دەنساۋلىق ساقتاۋ نىسانى جانە 8 863 تۇرعىن ءۇي قامتىلدى.
وسىلايشا، قابىلدانىپ جاتقان شارالار 2025 جىلى سۋمەن جابدىقتاۋ جەلىلەرىنىڭ توزۋىن 53،5%-عا، سۋ بۇرۋدى 55،2%-عا، ەلەكترمەن جابدىقتاۋدى 64%-عا دەيىن تومەندەتۋگە مۇمكىندىك بەرەدى.
