الماتىدا قالا عيماراتتارىنا جازىلعان ەسىرتكى جارنامالارىن جويۋعا باعىتتالعان «ناركوستوپ» اكسياسى ءوتتى، - دەپ حابارلايدى alnews.
شارا الماتى قالاسى جاستار ساياساتى باسقارماسى، پروكۋراتۋرا جانە الماتى قالاسىنىڭ پوليسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ قولداۋىمەن ءوتتى.
اتالعان ءىس-شارانىڭ ماقساتى – جاستارعا ەسىرتكىنىڭ زياندىلىعىن تۇسىندىرە وتىرىپ، سالاۋاتتى ءومىردى تاڭداۋعا شاقىرۋ.
«ناركوستوپ» اكسياسى — بۇل تەك جازۋلاردى بوياۋ ەمەس، جاستارعا ءقاۋىپسىز بولاشاق سىيلاۋعا باعىتتالعان ماڭىزدى قادام. وسىنداي شارالار ارقىلى جاستار اراسىندا ەسىرتكىنىڭ زياندىلىعىن ءتۇسىندىرىپ، سالاۋاتتى ءومىر سالتىن ناسيحاتتاپ، ولاردىڭ ءوز ورتاسىنا دەگەن جاۋاپكەرشىلىگىن ارتتىرعىمىز كەلەدى»، - دەدى ۇيىمداستىرۋشىلار.
اكسياعا 200-گە جۋىق ۆولونتەرلەر جانە بەلسەندى جاستار قاتىستى. ولار الماتى قالاسىنىڭ پوليسيا دەپارتامەنتىنىڭ قىزمەتكەرلەرىمەن ەسىرتكى جارنامالارىنىڭ ورىندارىن انىقتاپ، ولاردىڭ زاڭسىز جازبالارىن ءوشىردى. رەيد بارىسىندا 1 كۇننىڭ ىشىندە عيماراتتاردىڭ سىرتقى قابىرعاسىنا جازىلعان 100-دەن اسا جارناما انىقتالىپ، جويىلدى.
«وسى اكسياعا قاتىسىپ قالا جاستارى ورتاق ماقسات ءۇشىن ءبىرىكتىك. ءبىز زاڭسىز جارنامالاردى ءوشىرىپ، ولاردىڭ ءار قاراي تارالماۋىنا كىشكەنە بولسا دا ءوز ۇلەسىمىزدى قوسىپ جاتىرمىز»، - دەدى ۆولونتەر بەكتۇرعانوۆ كۇشقۋات.
ۇيىمداستىرۋشىلاردىڭ ايتۋىنشا، بۇل اكسيا ءبىر رەتتىك ەمەس، جۇيەلى تۇردە ءوتىپ تۇرادى.
