الماتىدا قۇرمانعازى كوشەسىندە پۋشكين كوشەسىنەن زەنكوۆ كوشەسىنە دەيىنگى قۇبىر جەلىسىن اۋىستىرۋ جۇمىستارى اياقتالدى، - دەپ حابارلايدى alnews.
بيىل ۇزىندىعى 305 مەتر ۋچاسكە قايتا جاڭارتىلدى. اۋىستىرىلعان قۇبىر 1986 جىلى پايدالانۋعا بەرىلگەن جانە قازىرگى ۋاقىتتا 5 كوپقاباتتى تۇرعىن ءۇي مەن 4 باسقا نىساندى جىلۋ جانە ىستىق سۋمەن قامتاماسىز ەتەدى.
جالپى، بيىل الماتى اكىمى ەربولات دوسايەۆتىڭ تاپسىرماسىمەن قالادا 20 كم جىلۋ جۇيەسى جاڭعىرتىلدى. جوندەۋ جۇمىستارى جىل سايىن جىلىتۋ ماۋسىمىنا دەيىنگى كەزەڭدە جۇرگىزىلەدى، بيىل بۇل جۇمىستار الماتىنىڭ 6 اۋدانىندا ءوتتى. جىلۋ جۇيەلەرى قايتا جاڭارتىلعان ۋچاسكەلەردەگى كورىكتەندىرۋ جۇمىستارى اۋا رايىنا بايلانىستى كەزەڭ-كەزەڭىمەن جۇزەگە اسىرىلادى.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram ارناسىندا، اۋداندىق اكىمدىكتەر مەن باسقارمالاردىڭ الەۋمەتتىك جەلىسىندە، سونداي-اق 2GIS پەن «ياندەكس كارتالار» سەرۆيسىندە جاريالانعان.
