الماتىدا الەۋمەتتىك نىساندار جىلۋعا 7 قازاننان باستاپ قوسىلادى

الماتىدا 7-11 قازان ارالىعىندا نىسانداردى ورتالىق جىلۋ جۇيەسىنە قوسۋ جوسپارلانۋدا. ءبىرىنشى كەزەكتە، جىلۋ  الەۋمەتتىك مەكەمەلەرلەرگە، ونىڭ ىشىندە بالاباقشالارعا، مەكتەپتەرگە جانە مەديسينالىق-الەۋمەتتىك نىساندارعا  بەرىلەتىن بولادى. قازىرگى كەزدە جىلىتۋ ماۋسىمىنا دايىندىق 99%-دى قۇرايدى، - دەپ حابارلايدى alnews.

«التس» ج ش س ءقازىردىڭ وزىندە اينالىم رەجيمىن ىسكە قوسۋعا دايىن. بۇل قاجەت بولعان جاعدايدا جىلۋ بەرۋدى جەدەل باستاۋعا مۇمكىندىك بەرەدى. كوممۋنالدىق كاسىپورىن ماتەريالدىق – تەحنيكالىق بازادان باستاپ بريگادالارعا ارنالعان ارنايى تەحنيكا مەن كيىمگە دەيىن بارلىق قاجەتتى زاتتارمەن تولىق جابدىقتالعان، ولار ىقتيمال اۆاريالار مەن تەحنولوگيالىق ىركىلىستەردى جويۋمەن اينالىساتىن بولادى.

الماتى اكىمى ەربولات دوسايەۆتىڭ تاپسىرماسى بويىنشا بيىل جىلىتۋ ماۋسىمىنا دايىندىق اياسىندا قالانىڭ التى اۋدانىندا 20 كم جىلۋ جەلىلەرى قايتا جاڭارتىلدى. ماماندار جەلىلەردى سىناۋ مەن جوندەۋدى ءساتتى اياقتاپ، سورعى جابدىقتارىن جاڭارتتى. بارلىعى 69 سورعى ستانسياسى جانە 24 رەزەرۆۋار-اككۋمۋلياتور دايىندالدى، بۇل ىستىق سۋ جەلىسىندەگى ەڭ جوعارى جۇكتەمەلەردى تەڭەستىرۋگە مۇمكىندىك بەرەدى.

اقاۋلاردى جەدەل  جويۋ ءۇشىن 2024-2025 جىلدارعى جىلىتۋ ماۋسىمىندا قاجەتتى اپاتتى ماتەريالدار مەن جابدىقتار قورى  جاسالعان. اپاتتى جاعدايلار كەنەتتەن بولعان كەزدە ولاردى جويۋمەن 16 اپاتتى جانە جوندەۋ بريگادالارى جۇمىس جاسايدى ، ولاردىڭ قۇرامىندا 220 ادام مەن 56 تەحنيكا بار. سونداي-اق، 33 ۋچاسكەنىڭ پايدالانىلاتىن 7 اۋدانىنداعى 714 ادام جۇمىس ىستەۋگە دايىن.

ەسكە سالساق، الماتىدا جىلىتۋ ماۋسىمى ادەتتە 15 قازاننان باستالادى، بۇل كەزدە سىرتقى اۋانىڭ ورتاشا تاۋلىكتىك تەمپەراتۋراسى بەس كۇن ىشىندە +8 گرادۋسقا دەيىن نەمەسە ودان تومەن تۇسەدى. وسىدان كەيىن جەرگىلىكتى اتقارۋشى ورگاندار جىلىتۋ ماۋسىمىن باستاۋ تۋرالى شەشىم قابىلدايدى. وتكەن جىلى جىلۋ 10 قازاننان باستاپ بەرىلگەن بولاتىن.

جىلۋدى قوسۋ مىناداي كەزەڭدەر ارقىلى جۇرەدى:

- الەۋمەتتىك نىساندار (بالاباقشالار، مەكتەپتەر، مەديسينالىق مەكەمەلەر)؛

- تۇرعىن ۇيلەر، جاتاقحانالار، قوناق ۇيلەر؛

- اكىمشىلىك عيماراتتار، وقۋ ورىندارى، تەاترلار؛

- باسقا عيماراتتار.

تۇتىنۋشىلارعا ەنەرگيا بەرۋشى ۇيىم جىلىتۋ ماۋسىمىنىڭ باستالعانى تۋرالى حابارلايدى، ال اپاتتىق جانە سەرۆيستىك قىزمەتتەر وبەكتىلەردە جىلۋدى قوسۋ جونىندەگى نۇسقاۋلىقتاردى الادى.

الدىڭعى
يران-يزرايل: ايماقتىق قاقتىعىستىڭ ءقاۋىپتى دابىلى قاعىلدى
كەلەسى
الماتىنىڭ شىعىس بولىگىندە جاڭا كارىز كوللەكتورى پايدالانۋعا بەرىلدى

سوڭعى جاڭالىقتار:

ىزدەۋ