اتالعان گرانتتى الماتى قالاسىنىڭ كاسىپكەرلىك جانە ينۆەستيسيالار باسقارماسى جاريا ەتتى. كونكۋرس تۇرىندە جاريالانعان گرانتتىق قارجىلاندىرۋ الەۋمەتتىك كاسىپكەرلىك سۋبەكتىلەرىنە باعىتتالعان.
5 ملن تەڭگەگە دەيىنگى مولشەردەگى وتەۋسىز نەگىزدە مەملەكەتتىك گرانتتار "ءبىر اۋىل – ءبىر ءونىم"باعدارلاماسىنىڭ فيناليستەرى بولعان الەۋمەتتىك كاسىپكەرلىك سۋبەكتىلەرىنە، شاعىن جانە ورتا كاسىپورىندارعا بەرىلەدى. كونكۋرستىڭ جالپى بيۋدجەتى 500 ملن تەڭگەنى قۇرايدى.
كونكۋرسقا قاتىسۋعا وتىنىمدەر «ەلەكتروندىق ۇكىمەت» پورتالى ارقىلى ەلەكتروندىق فورمادا Kezekte.kz جۇيەسىندە 2024 جىلعى 14-18 قازان ارالىعىن قوسا العاندا قابىلدانادى.
كورسەتىلگەن مەرزىمنەن كەيىن بەرىلگەن وتىنىمدەر قابىلدانبايدى. پورتال https://kezekte.kz/ تاۋلىك بويى جۇمىس ىستەيدى.
بايقاۋدىڭ ماقساتى-الەۋمەتتىك ماڭىزى بار جوبالاردى قولداۋ جانە قالادا شاعىن جانە ورتا كاسىپكەرلىكتى دامىتۋ.
كەڭەس بەرۋ ءۇشىن بايلانىس:
- الماتى قالاسىنىڭ كاسىپكەرلىك جانە ينۆەستيسيالار باسقارماسى:
مەكەنجايى: الماتى ق.، بايزاقوۆ ك-سى، 303، 302 كەڭسە.
تەلەفون: +7 (727) 390-20-99، +7 (727) 390-20-69.
- الماتى قالاسىنىڭ كاسىپكەرلەر پالاتاسى:
مەكەنجايى: الماتى ق.، ابىلاي حان داڭعىلى/قيىلىسى ايتەكە بي كوشەسى، 79/71.
تەلەفون: +7 (727) 331-01-33، Call-center 1432.
- «دامۋ» كاسىپكەرلىكتى دامىتۋ قورى (الماتىداعى وڭىرلىك فيليالى):
مەكەنجايى: الماتى ق.، ناۋرىزباي باتىر ك-سى، 8، «كوبا» بيزنەس ورتالىعى، 1-قابات.
تەلەفون: +7 (727) 244-55-77، 244-55-66.
