الماتىدا جىل باسىنان بەرى 2 726 كەزەكتە تۇرعان ازامات كوممۋنالدىق تۇرعىن ۇيمەن قامتاماسىز ەتىلدى. بۇل تۋرالى قالانىڭ كوممۋنالدىق ينفراقۇرىلىمدى دامىتۋ باسقارماسى حابارلادى.
2024 جىلعى 1 قىركۇيەكتەگى جاعداي بويىنشا تۇرعىن ءۇي كەزەگىندە 43 448 ادام تۇر. ولاردىڭ ىشىندە: 2 330 – جەتىم بالالار، 7 546 – كوپبالالى وتباسىلار، 18 468 – حالىقتىڭ الەۋمەتتىك وسال توپتارى (ءحاوت) جانە 15 104 – بيۋدجەتتىك ۇيىم قىزمەتكەرلەرى.
بيىل 8 ايدا 2 726 ازامات تۇرعىن ۇيمەن قامتاماسىز ەتىلدى. ونىڭ ىشىندە: 1 080 – كەزەكتە تۇرعاندارعا ارنالعان كوممۋنالدىق تۇرعىن ءۇي قورىنان جالدامالى تۇرعىن ءۇي، 1 348 – جۇمىس ىستەيتىن جاستارعا ساتىپ الۋ قۇقىعىنسىز جالدامالى تۇرعىن ءۇي، 226 – 2% جانە 5% جەڭىلدەتىلگەن نەسيە باعدارلامالارى ارقىلى تۇرعىن ءۇي العاندار، 72 – «الماتى جاستارى» باعدارلاماسى بويىنشا قامتىلىپ وتىر. سونىمەن قاتار، 169،3 ملن تەڭگەگە 148 تۇرعىن ءۇي سەرتيفيكاتى بەرىلدى.
