الماتى قالاسى جوعارى ەكونوميكالىق بەلسەندىلىككە يە. سوندىقتان دا قارجىلىق جانە ەكونوميكالىق قىلمىستار دا وزگە وڭىرلەردەن كوبىرەك تىركەلەدى. جاقىندا وڭىرلىك كوممۋنيكاسيالار قىزمەتى وتكىزگەن باسپا ءسوز الاڭىندا ەكونوميكالىق تەرگەۋ دەپارتامەنتىنىڭ سوڭعى ايلارداعى جۇمىس ناتيجەسى اقپارات قۇرالدارىنا جاريالاندى. بەلگىلى بولعانداي اتالعان قۇزىرلى مەكەمە جاعىنان كولەڭكەلى ەكونوميكا، اسىرەسە سيفرلىق اكتيۆتەردىڭ زاڭسىز اينالىمىنا قاتىستى قىلمىستار انىقتالعان.
ۆەدومستۆونىڭ مالىمەتىنە قاراعاندا بيىل جىل باسىنان بەرى الماتىدا 111 ەكونوميكالىق قىلمىس تىركەلىپ، ونىڭ ىشىندە اۋىر قىلمىسقا جاتاتىن 68 جاعداي بار. تىركەلگەن جۇزدەن اسا قىلمىستىڭ 79-ى انىقتالىپ سوتقا جىبەرىلگەن. تەرگەۋ ناتيجەسىندە جانە مۇلىككە تىيىم سالۋ ارەكەتى ارقىلى مەملەكەتكە 47،7 ملرد تەڭگە قايتارىلعان.
قۇزىرلى ورگاننىڭ مالىمەتىنە قاراعاندا، جىل باسىنان بەرگى ەكونوميكالىق قىلمىستاردى انىقتاۋ ىسىندە اقشانى جىلىستاتۋ جانە زاڭسىز ارەكەتتەردى قارجىلاندىرۋ ءۇشىن ءجيى قولدانىلاتىن سيفرلىق اكتيۆتەردىڭ زاڭسىز اينالىمىمەن كۇرەسۋگە باسا نازار اۋدارىلعان.
ايتا كەتكەن ءجون، ەكونوميكالىق قىلمىسقا قارسى ارەكەتتەردە قۇزىرلى ورگان 2023 جىلعى 6 اقپاندا كۇشىنە ەنگەن «ق ر - داعى سيفرلىق اكتيۆتەر تۋرالى» جاڭا زاڭىن باسشىلىققا العان. وندا «استانا» حالىقارالىق قارجى ورتالىعىنىڭ اۋماعىن قوسپاعاندا، جالپى ەل اۋماعىندا قامتاماسىز ەتىلمەگەن سيفرلىق اكتيۆتەردى شىعارۋعا جانە اينالىمنا شەكتەۋ قويىلادى. ال قامتاماسىز ەتىلمەگەن سيفرلىق اكتيۆتەردىڭ اينالىمى احقو قارجى قىزمەتتەرىن رەتتەۋ كوميتەتى ليسەنزيالاعان سۋبەكتىلەردىڭ الاڭدارىندا رۇقسات ەتىلگەن. كوميتەت قامتاماسىز ەتىلمەگەن سيفرلىق اكتيۆتەرى بار ليسەنزيالاناتىن قىزمەت تۇرلەرى، ياعني قارجى قىزمەتتەرىن كورسەتەتىن سۋبەكتىلەردىڭ قاتارىنا Binance، ByBit، Huobi، KuCoin جانە باسقا دا كريپتو-بيرجالاردىڭ رەتتەۋشىلەرى جاتاتىنىن قوسىمشالادى.
وڭىرلىك كوممۋنيكايسيالار قىزمەتىنىڭ مالىمەتىنشە، قازىرگى تاڭدا كولەڭكەلى ەكونوميكا مەن ونلاين-نارىقتاردا كريپتوۆاليۋتا بەلسەندى قولدانىلۋدا. وسى سالالاردا قولدانىلاتىن بيتكويندەر مەن كريپتوۆاليۋتالاردىڭ باسقا تۇرلەرى ءىس جۇزىندە الەمنىڭ ەشبىر جەرىندە ناقتى زاڭدى جىكتەۋى جوق.
بۇگىننىڭ وزىندە اتالعان دەپارتامەنتتە سيفرلىق اكتيۆتەردى ايىرباستاۋ جونىندەگى زاڭسىز ارەكەتكە قاتىستى 6 قىلمىستىق ءىس تەرگەلۋ ۇستىندە. ولاردىڭ جالپى قۇنى 58،5 ملن اقش دوللارىنان اسادى. الدىن الۋ ماقساتىندا «كيبەرنادزور» جۇيەسى ارقىلى وسىنداي قىزمەتپەن اينالىساتىن 134 ينتەرنەت-رەسۋرس بۇعاتتالدى. سونداي-اق، كريپتوۆاليۋتانى زاڭسىز پايدالانۋ جاعدايلارىن بەلسەندى تۇردە زەرتتەيتىن سيفرلىق اكتيۆتەر سالاسىنداعى قۇقىق بۇزۋشىلىقتارمەن كۇرەسۋ ءۇشىن ارنايى «كريپتون» بولىمشەسى قۇرىلدى.
Allnews
