الماتىدا رىسقۇلوۆ داڭعىلىنان بۇقتىرما كوشەسىنە دەيىنگى ۋچاسكەدە قۇلجا تراكتىنىڭ ءجۇرىس بولىگىن رەكوسترۋكسيالاۋ اياقتالدى. جول 2،3 كم ۋچاسكەدە 4-تەن 6 جولاققا دەيىن كەڭەيتىلدى، بۇل ونىڭ وتكىزۋ قابىلەتىن ەكى ەسەگە ارتتىردى، - دەپ حابارلايدى alnews، الماتى قالاسى اكىمدىگىنە سىلتەمە جاساپ.
قالالىق موبيلدىلىك باسقارماسى رەكونسترۋكسيالانعان ۋچاسكەنىڭ بارلىق ۇزىندىعىندا جولدىڭ نەگىزىن سالۋ، اسفالتبەتون جابىنىنىڭ تومەنگى جانە جوعارعى قاباتتارىن توسەۋ بويىنشا جۇمىستار جۇرگىزىلگەنىن حابارلادى. سونداي-اق، جاڭا جارىقتاندىرۋ تىرەكتەرى ورناتىلىپ، ۋاقىتشا جول بەلگىلەرى قويىلدى.
بۇل رەتتە جولدىڭ شەتتەرىندە توسقاۋىل قورشاۋىن جانە جولدىڭ ەكى جاعىنان ەنى 2-دەن 3 مەترگە دەيىنگى تروتۋارلاردى ورناتۋ جۇمىستارى جالعاسۋدا. جوبانى اعىمداعى جىلدىڭ سوڭىنا دەيىن اياقتاۋ جوسپارلانۋدا.
مەگاپوليس اكىمى ەربولات دوسايەۆتىڭ تاپسىرماسى بويىنشا جۇمىستار ەڭ از قوزعالىس شەكتەۋلەرىمەن جۇرگىزىلگەنىن ەسكە سالا كەتەيىك. ءار كەزەڭدە ەكى باعىت بويىنشا ەكى جولاقتى قوزعالىس قامتاماسىز ەتىلدى.
