الماتىداعى بەلسەندى جانە شىعارماشىل جاستاردى قولداۋعا ارنالعان «تاۋەلسىزدىك ۇرپاقتارى» گرانتى بيىل دا جاستاردىڭ ءوز يدەياسىن جۇزەگە اسىرۋعا مۇمكىندىك بەرمەك. گرانت ادەتتەگىندەي 14 پەن 35 ارالىعىنداعى الماتى جاستارىنا ارنالادى.
الماتى قالالىق جاستار ساياساتى باسقارماسىنىڭ اتالمىش گرانتى ءوز قالاسىنىڭ جانە جالپى ەلدىڭ دامۋىنا ۇلەس قوسقىسى كەلەتىن جاستاردىڭ العاباستار يدەيالارىن قولدايدى. ياعني، يدەيانى جۇزەگە اسىرۋىڭىزعا كومەك بەرەدى.
گرانتقا يە بولۋدىڭ شارتتارى قاراپايىم، ءوز يدەيالارىڭىزبەن ءبولىسىپ، ءوتىنىم جولدايسىز جانە ءتيىستى قۇجاتتاردى تولتىرا وتىرىپ، جوباڭىزدى جۇزەگە اسىرۋعا 1 ميلليون تەڭگەگە دەيىن گرانتقا يە بولا الاسىز.
گراتتار نەگىزىنەن 6 باعىت بويىنشا بايقاۋ نەگىزىندە بەرىلەدى. ياعني، عىلىم، مادەنيەت، اقپاراتتىق تەحنولوگيا، ىسكەرلىك، مەديا جانە ۆولونتەرلىك باعىتتارىن نەگىز ەتەدى.
گرانتقا ءوتىنىم بەرۋ جانە ىرىكتەۋ پروسەسى ەكى كەزەڭنەن تۇرادى.
1.
بايقاۋ وتىنىمدەرىن قابىلداۋ جانە تالاپتارعا سايكەستىگىن تەكسەرۋ
بايقاۋ وتىنىمدەرى ۋاكىلەتتى ورگانمەن قابىلدانىپ، تالاپتارعا سايكەستىگى بويىنشا قارالادى. وتىنىمدەردى قابىلداۋ مەرزىمى اياقتالعاننان كەيىن ءبىر اي ىشىندە قاراستىرىلادى.
2. وتىنىمدەردى باعالاۋ جانە جەڭىمپازداردى انىقتاۋ
بايقاۋ وتىنىمدەرىن باعالاۋ بايقاۋ كوميسسياسى مۇشەلەرىمەن ءبىرىنشى كەزەڭ اياقتالعاننان كەيىن 15 جۇمىس كۇنى ىشىندە جۇرگىزىلەدى. باعالاۋ ناتيجەلەرى بويىنشا جەڭىمپازدار انىقتالىپ، ولارعا گرانت بەرىلەدى.
ۇمىتكەر جاستار ءۇشىن بايقاۋدىڭ شارتتارىن جانە ءوتىنىم بەرۋ تالاپتارى تۋرالى مالىمەتتەرىدى سىلتەمەدەن تابا الاسىزدار. وتىنىمدەردى قابىلداۋ 16 قىركۇەيتەن 16 قازان ارالىعىندا وتەتىنىن دە ەسكەرتە كەتەمىز.
