Sonymen AQSH prezıdenti Jo Baıden kelesi 4 zańǵa qol qoıdy:
- Ýkraınaǵa 61 mlrd AQSH dollaryna jýyq kómek berý.
- Izraılge 26,38 mlrd AQSH dollary kóleminde kómek berý.
- Úndi-Tynyq muhıty aımaǵyndaǵy Taıvan jáne ózge de odaqtas elderge 8,12 mlrd AQSH dollaryn bólý.
- «XXI ǵasyrda kúsh arqyly beıbitshilikke qol jetkizý» atty ulttyq qaýipsizdik týraly zań.
Biz nazar aýdarýymyz tıis qujat «XXI ǵasyrda kúsh arqyly beıbitshilikke qol jetkizý» zańy. Onda qytaılyq áleýmettik jeli Tiktok-ty shekteý, Iranǵa qarsy sanksıalardy údete túsý sıaqty saıası sharalar qamtylǵan. Sonymen qatar, fentanıl, kaptagon sıaqty esirtki túrlerimen kúresýdi maqsat etip qoıǵan.
Qabyldanǵan zańdardan qandaı qorytyndy shyǵarýǵa bolady?
- Syrtqy saıası baǵdar ózgermeıdi. Bıyl 5 qarashada saılaýda kim jeńse de geosaıası maqsattar júzege asa bermek.
- Qabyldanǵan 4 zań birtutas maqsatqa ıe dep túsingen jón. Bári de syrtqy saıası baǵdardy aıqyndaıdy.
- Vashıngtonnyń basty geostrategıalyq qarsylastary Reseı, Qytaı jáne Iran, sonymen qatar basty aımaq Taıaý Shyǵys bolyp qala beredi.
- AQSH aldaǵy ýaqytta da zańsyz esirtki saýdasymen kúrese bermek.
