26-27 mamyrda Reseı Prezıdenti Vladımır Pýtın Ózbekstanǵa resmı saparmen bardy. Bul V. Pýtınniń ulyqtaý rásiminen keıingi úshinshi shet eldik resmı sapary. 16-17 mamyrda Qytaı, al 23-24 mamyrda Belarýske barǵan edi.
V. Pýtın Ózbekstanǵa resmı sapary barysynda eldiń Táýelsizdik monýmentine gúl shoqtaryn qoıdy. Sonymen qatar, Ózbekstan Prezıdenti Shavkat Mırzıeev pen Reseı Prezıdenti Vladımır Pýtın shaǵyn jáne keńeıtilgen quramda kezdesti.
Eki kúnge sozylǵan resmı kezdesý nátıjesinde 17 qujatqa qol qoıyldy. Olardyń ishinde biz mán beretin qujat Ózbekstanda AES salý týraly kelisim. Jobany reseılik "Rostatom" kompanıasy júzege asyrmaq. Qurylys bıyl jazda bastalyp, 2033 jylǵa qaraı iske qosý josparlanǵan.
Aıta keteıik, Reseı Qazaqstanda da AES salýǵa múddeli. Halqymyz úshin kúrdeli másele bolǵandyqtan Qasym-Jomart Toqaev AES salý ne salmaý máselesin referendýmda sheshý kerek degen bolatyn.
Budan bólek, 2023 jyly 7 qazanda Máskeýde V. Pýtın, Qasym-Jomart Toqaev pen Shavkat Mırzıeevtiń qatysýymen "Orta Azıa-Ortalyq" atty gaz qubyryn resmı túrde ashqan edi. Bul qubyr arqyly Reseıdik gazy Qazaqstan arqyly Ózbekstanǵa tasymaldanady.
Osylaısha, Reseı aımaqtyń saıası salmaqty elderimen energetıka salasynda seriktestikti nyǵaıtýda.
