Almatyda úlken kólemdegi qaldyqtardyń, onyń ishinde eski jıhazdar, synǵan turmystyq tehnıka men qurylys qaldyqtary, sondaı-aq, qaptamalar, plasıkalyq bótelkeler jáne basqa da kóshe qaldyqtarynyń jınalýymen baılanysty másele ósip keledi. Buzýshylyqtar tek konteınerlik alańdarǵa ǵana emes, sonymen qatar qoǵamdyq oryndarǵa da áser etip, qalanyń sanıtarlyq jaǵdaıyna keri áserin tıgizedi, - dep habarlaıdy alnews qalalyq polısıa Departamentine silteme jasap.
2024 jyldyń 16 qyrkúıeginen bastap Almatyda abattandyrý salasyndaǵy buzýshylyqtarmen kúresý sharalary kúsheıtildi. Kólemdi qoqys pen kóshe qoqystaryn ruqsat etilmegen oryndarǵa qaldyrǵany úshin aıyppul salynbaq.
Ekologıa jáne qorshaǵan ortany qorǵaý Basqarmasy qalalyq polısıa Departamentimen birlesip, tártip buzýshylardy anyqtaýǵa baǵyttalǵan birlesken reıdter júrgizedi.
Beınebaqylaý kameralary qaldyqtardy zańsyz tógý jıi oryn alatyn jerlerde ornatylady. Sonymen qatar, tártip saqshylary, stıhıalyq oryndarda ruqsatsyz syrtqy jarnamany ornalastyrý jaǵdaılaryna basa nazar aýdaratyn bolady.
Aǵymdaǵy jyldyń qyrkúıek aıynyń basynan beri júrgizilgen monıtorıń nátıjeleri boıynsha Almaty qalasynyń kóshelerindegi komýnaldyq ınfraqurylymdy damytý Basqarmasy tazalaýǵa qosymsha qural-jabdyqtar men resýrstardy qajet etetin qoqys jáshikteri tolyp jatqan 52 aýmaqty anyqtady.
Sanıtarlyq tazalaýdyń tıimdiligin arttyrý maqsatynda dızaın-kod boıynsha jańa keń qoqys jáshikterin satyp alý, sondaı-aq qosymsha tazartý, patrúldik marshrýttaryn iske qosý josparlanýda.
Búginde qalada 33 myńǵa jýyq qoqys jáshikteri bolsa, qalany tazalaýǵa 1300-ge jýyq adam men 1000-nan astam tehnıka jumyldyrylǵan.
Kólemdi jáne kóshe qaldyqtardy durys saqtamaý qoǵamdyq oryndardyń lastanýyna jáne qoqys jınaıtyn kompanıalardyń jumysynyń buzylýyna ákep soǵady.
Mysaly, kóshedegi qoqys trotýarlar men joldardy lastaýy múmkin, al konteınerlerdegi kólemdi qoqys qoqys tasıtyn nyǵyzdaǵyshtardyń jumysyn qıyndatady.
QR «Ákimshilik quqyq buzýshylyq týraly» Kodeksiniń 505-babyna sáıkes abattandyrý erejelerin buzý mynadaı aıyppuldarǵa ákep soǵady:
- jeke tulǵalar úshin – 20 AEK;
- shaǵyn bıznes jáne komersıalyq emes uıymdar – 30 AEK;
- orta kásipkerlik sýbektileri – 40 AEK;
- İri kásipkerlik sýbektileri – 100 AEK.
Qalanyń sanıtarlyq jaǵdaıy men estetıkasyn jaqsartý maqsatynda 2024-2025 jyldary 2 myńnan astam jańa konteınerler ornatý josparlanýda.
Bul konteınerler qoqys konteınerleri alyp jatqan aýmaqty azaıtady, jaǵymsyz ıisterdi bógeıdi jáne qustar men qańǵybas janýarlardyń kirýine jol bermeıdi.
Úlken kólemdegi qaldyqtardy shyǵarý úshin qala turǵyndaryna mamandandyrylǵan uıymdarǵa habarlasý nemese qaldyqtardy ózderi shyǵarý usynylady.
Bul sharalar abattandyrý erejelerin buzǵany úshin aıyppuldardy boldyrmaýǵa, sondaı-aq qaladaǵy tazalyq pen tártipti saqtaýǵa kómektesedi.
