Almatydaǵy belsendi jáne shyǵarmashyl jastardy qoldaýǵa arnalǵan «Táýelsizdik urpaqtary» granty bıyl da jastardyń óz ıdeıasyn júzege asyrýǵa múmkindik bermek. Grant ádettegindeı 14 pen 35 aralyǵyndaǵy Almaty jastaryna arnalady.
Almaty qalalyq Jastar saıasaty basqarmasynyń atalmysh granty óz qalasynyń jáne jalpy eldiń damýyna úles qosqysy keletin jastardyń alǵabastar ıdeıalaryn qoldaıdy. Iaǵnı, ıdeıany júzege asyrýyńyzǵa kómek beredi.
Grantqa ıe bolýdyń sharttary qarapaıym, óz ıdeıalaryńyzben bólisip, ótinim joldaısyz jáne tıisti qujattardy toltyra otyryp, jobańyzdy júzege asyrýǵa 1 mıllıon teńgege deıin grantqa ıe bola alasyz.
Grattar negizinen 6 baǵyt boıynsha baıqaý negizinde beriledi. Iaǵnı, ǵylym, mádenıet, aqparattyq tehnologıa, iskerlik, medıa jáne volonterlik baǵyttaryn negiz etedi.
Grantqa ótinim berý jáne irikteý prosesi eki kezeńnen turady.
1.
Baıqaý ótinimderin qabyldaý jáne talaptarǵa sáıkestigin tekserý
Baıqaý ótinimderi ýákiletti organmen qabyldanyp, talaptarǵa sáıkestigi boıynsha qaralady. Ótinimderdi qabyldaý merzimi aıaqtalǵannan keıin bir aı ishinde qarastyrylady.
2. Ótinimderdi baǵalaý jáne jeńimpazdardy anyqtaý
Baıqaý ótinimderin baǵalaý baıqaý komısıasy múshelerimen birinshi kezeń aıaqtalǵannan keıin 15 jumys kúni ishinde júrgiziledi. Baǵalaý nátıjeleri boıynsha jeńimpazdar anyqtalyp, olarǵa grant beriledi.
Úmitker jastar úshin baıqaýdyń sharttaryn jáne ótinim berý talaptary týraly málimetteridi siltemeden taba alasyzdar. Ótinimderdi qabyldaý 16 qyrkúeıten 16 qazan aralyǵynda ótetinin de eskerte ketemiz.
