Bıyl megapolıs ákimi Erbolat Dosaevtyń tapsyrmasy boıynsha qalanyń basty kórikti jerleriniń biri – «Medeý» bıik taýly sport keshenine aparatyn jol ýchaskesi jóndeldi, - dep habarlaıdy alnews.
Kereı Jánibek handar kóshesin, «Medeý» BSK-ne deıingi jalǵyz joldy jóndeý 15 jylǵa jýyq júrgizilgen joq. Bul rette Almatydaǵy joldardyń jóndeý aralyq merzimi - 5 jyl.
Aǵymdaǵy jyly uzyndyǵy 10 km jol ýchaskesinde asfáltbeton jabyny tolyǵymen aýystyryldy. Sonymen qatar, jaıaý júrginshilerdiń qaýipsizdigin qamtamasyz etý úshin alǵash ret 14 shaqyrymǵa jýyq trotýar jasaldy. Sondaı-aq, 37 ózdiginen júretin nemese «qalqymaly» káriz lúkteri ornatyldy. Búgingi tańda barlyq jóndelgen ýchaskede jol belgileri bar.
«Bul kósheni jóndeý kezinde polımerasfaltbeton paıdalanyldy, ol jabynnyń kalıbrge tózimdiligin, sondaı-aq onyń beriktik sıpattamalary men jaryqtarǵa tózimdiligin arttyrdy. Polımerleri bar asfálttyń jumsartý temperatýrasy ádettegiden joǵary, sondyqtan ol ystyqqa tózimdi, ári uzaq qyzmet etedi», - dep atap ótti jol ǵylymı-óndiristik ortalyǵy basshysynyń orynbasary Azamat Jaısanbaev.
«Jalpy jol» Jol qozǵalysy qaýipsizdigi qaýymdastyǵy» qoǵamdyq birlestiginiń basshysy Arsen Shakýovtyń aıtýynsha, atalǵan ýchaskedegi jańa trotýarlar jaıaý júrginshilerge jaıly.
«Týrıser men qala qonaqtary únemi júretin bul joldy jóndeý erte jóndeý kerek edi. Óıtkeni, «Medeý» - qalanyń basty kórikti jerleriniń biri. Demalys kúnderi qala turǵyndarynyń ózderi osy jaqqa barǵandy unatady, kóbisi jaıaý júredi, qoǵamdyq kólikter men trotýarlar, jańa belgiler men jaqsy jol qajettilik», – dep atap ótti Arsen Shakýov.
