2024 jyly Almatyda magıstraldi kóshelerde 45 km syrtqy jaryqtandyrý jelileri jóndeldi, - dep habarlaıdy alnews.
Jumys barysynda zaqymdanǵan jeliler qalpyna keltirilip, kúıip ketken shamdar aýystyryldy. Sondaı-aq, jańa kabel tartyldy.
Tek qazan aıynda Dostyq, Rysqulov jáne ál-Farabı dańǵyldarynda, Kereı-Jánibek handar, Buqtyrma jáne Maılın kóshelerinde, sondaı-aq Shyǵys aınalma avtomobıl jolynda (SHAAJ) 700-den astam jumys istemeıtin sham aýystyryldy.
Osy ýaqytta ál-Farabı dańǵylynyń Rozybakıev, Jarokov, Dýlatı, Seıfýllın, Nazarbaev, Dostyq kósheleri jáne SHAAJ qıylysyndaǵy avtomobıl tonnelderi men kópirler tolyq jaryqtandyryldy. Bul ýchaskelerde 220 eski sham, onyń ishinde kúıip ketkenderi, jańa svetodıodty projektorlarǵa aýystyryldy.
«Almaty Qala Jaryq» bas ınjeneri Álmuhamed Jalpaqov almatylyqtardy sapaly syrtqy jaryqtandyrýmen qamtamasyz etý jumystary tek magıstraldi kóshelerde emes, qalanyń barlyq jerinde júrgizilýde ekendigin atap ótti. Onyń aıtýynsha, kóshelerdiń kategorıasyna qaramastan, jóndeý brıgadalary barlyq túsken shaqyrýlarǵa birdeı jyldamdyqpen jaýap beredi.
«Mysaly, jaqynda Jetisý aýdanyndaǵy Kokjıek yqsham aýdanynda 120 sham, Almaly aýdanyndaǵy Brýsılovskıı kóshesinde 90 sham, Alataý aýdanynda Dosmanov kóshesinde 80 jańa sham ornatyldy», - dedi Jalpaqov.
Jalpy, jyldyń basynan beri Almatyda 30 myńnan astam sham aýystyrylyp, 300 km-den astam kabel tartyldy. Qalanyń kósheleri mańyzyna qaraı úsh kategorıaǵa bólinedi. «A» kategorıasyna qalaaralyq mańyzy bar magıstraldi joldar men kósheler (dańǵyldar) jáne olardyń boıyndaǵy jaıaý júrginshiler aımaqtary jatady. Bularǵa Qulja jáne İle tas joldary, SHAAJ, ál-Farabı, Rysqulov, Abaı, Dostyq, Nazarbaev, Seıfýllın, Abylaı han, Súıinbaı, Maılın, Saıyn, Tımırázev, Buqtyrma kósheleri jáne basqalary kiredi.
«B» kategorıasyna júk qozǵalysyna arnalǵan joldar men aýdandyq mańyzy bar kósheler jatady. Bul tizimge Qabanbaı batyr, Áýezov, Qonaev, Qaldaıaqov, Gagarın, Rozybakıev, Shalápın, Halıýllın, Maqataev, Baıtursynov, Mustafın, Dýlatı, Momyshuly jáne t.b. kósheler men dańǵyldar kiredi.
«V» kategorıasyna jergilikti mańyzy bar joldar men kósheler, aýlalyq aýmaqtar men ishki aýlalyq ótpeler, saıabaqtar men baq obektileri jatady.
Qurylys normalary ár kategorıadaǵy kósheler úshin jaryqtandyrýdyń belgili kórsetkishterin qarastyrady. Mysaly, «A» kategorıasyndaǵy obektilerde 15-20 lúks, «B» kategorıasynda 10-15 lúks, «V» kategorıasynda 5-10 lúks bolýy tıis. AQJ osy normalardyń qalada saqtalýyn qatań baqylaýda ustaıdy.
