Almatyda Qurmanǵazy kóshesinde Pýshkın kóshesinen Zenkov kóshesine deıingi qubyr jelisin aýystyrý jumystary aıaqtaldy, - dep habarlaıdy alnews.
Bıyl uzyndyǵy 305 metr ýchaske qaıta jańartyldy. Aýystyrylǵan qubyr 1986 jyly paıdalanýǵa berilgen jáne qazirgi ýaqytta 5 kópqabatty turǵyn úı men 4 basqa nysandy jylý jáne ystyq sýmen qamtamasyz etedi.
Jalpy, bıyl Almaty ákimi Erbolat Dosaevtyń tapsyrmasymen qalada 20 km jylý júıesi jańǵyrtyldy. Jóndeý jumystary jyl saıyn jylytý maýsymyna deıingi kezeńde júrgiziledi, bıyl bul jumystar Almatynyń 6 aýdanynda ótti. Jylý júıeleri qaıta jańartylǵan ýchaskelerdegi kóriktendirý jumystary aýa raıyna baılanysty kezeń-kezeńimen júzege asyrylady.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram arnasynda, aýdandyq ákimdikter men basqarmalardyń áleýmettik jelisinde, sondaı-aq 2GIS pen «Iandeks kartalar» servısinde jarıalanǵan.
