Almaty qalasy Jastar saıasaty basqarmasy qoldaýymen, «Human Resources Kazkhstan» jeke mekemesiniń uıymdastyrýymen Jetisý aýdanynyń demalys ortalyqtary tárbıelenýshileri Sharyn shatqalyna tanymdyq saparǵa bardy
19 shilde kúni Almaty qalasy Jastar saıasaty basqarmasynyń qoldaýymen Jetisý aýdanynyń demalys ortalyqtarynda tárbıelenip jatqan balalarǵa arnalǵan Sharyn shatqalyna tanymdyq baǵyttaǵy ekskýrsıa uıymdastyryldy.
Shara aıasynda 50 bala men olardyń jetekshileri elimizdiń tabıǵı jaýharlarynyń biri — Sharyn shatqalyna baryp, onyń ǵajaıyp landshaftymen, tarıhı erekshelikterimen jáne geografıasymen jaqynyraq tanysty. Tabıǵat aıasyndaǵy jaıaý serýen balalar úshin erekshe áserge toly boldy: olar jańa málimetter bilip, tabıǵatpen etene aralasyp, qorshaǵan ortanyń sulýlyǵyn sezindi.
Sapardyń negizgi maqsaty — balalardyń ekologıalyq mádenıetin qalyptastyrý, týǵan ólkeni súıýge baýlý jáne patrıottyq tárbıe berý. Sonymen qatar, jazǵy demalys ýaqytyn mazmundy, belsendi ári este qalarlyqtaı ótkizýge jaǵdaı jasaý.
Bul — Jetisý aýdany demalys ortalyqtarynyń jazǵy baǵdarlamalar legindegi kezekti tabıǵatqa serýeni. Buǵan deıin balalar úshin Kólsaı kóline de osyndaı qyzyqty saıahat uıymdastyrylǵan bolatyn.
