Ata Zańnyń qazaq tilindegi mátinimen jumys isteıtin arnaıy top qurylyp, júıeli ári nátıjeli jumys atqaryldy. Bul týraly Konstıtýsıalyq komısıanyń segizinshi otyrysynda QazGZÝ AQ basqarma tóraǵasy, profesor Talǵat Nárikbaev málimdedi, - dep habarlaıdy alnews. Onyń aıtýynsha, termınder júıelenip, qazaq tili zańdylyǵyna saı jazylǵan.
«Komısıanyń alǵashqy otyrysynda kóterilgen termınderdiń birizdiligi máselesiniń eskerilgenin atap ótkim keledi. Mysaly, zańgerler qoldanystaǵy Konstıtýsıada «quqyly», «haqyly», «quqyǵy bar», «quqyǵy joq», «haqysy bar» sıaqty termınder ártúrli kontekste qoldanylatynyn jıi synǵa alatyn. Jańa mátinde osy termınder maǵynasyna qaraı júıelenip, birizge túsken. Sondaı-aq termınologıa máselesinde qazaq tilindegi zańdylyqtar pen erekshelikter eskerilgen», – deıdi ol.
Sondaı-aq, QazGZÝ AQ basqarma tóraǵasy Ata zańnyń jańa mátinin áriptesterimen birge oqyp shyqqanyn, sonyń ishinde kálka qurylymdar júıelenip, jatyq jazylǵanyn jetkizdi.
«Burynǵy redaksıada jıi kezdesetin «bolyp tabylady», «júzege asyrady» sıaqty kálkalyq qurylymdar jańa mátinde joqtyń qasy. Qoldanylǵan tustardyń ózinde de olar oryndy ári tildik jaǵynan úılesimdi berilgen», – dedi sóz sońynda Talǵat Nárikbaev.
