Búgin, 8 qazanda Almaty qalasynda Ortalyq Azıa Fınteh samıti bastaldy. Qarjy sektoryn, sıfrlyq tólem júıesi jáne sıfrlandyrý, elektrondy ekojúıe salalarynda asa mańyzdy taqyryptardy kótergen halyqaralyq jıynnyń Almaty qalasynda ótýi shahardyń aımaqtaǵy qarjylyq ornyn aıqyndaıdy.
Qazaqstandaǵy jáne aımaqtaǵy qarjylyq tehnologıalardy damytý máselelerin, ózgede ekonomıkalyq, qarjylyq máselelerdi taqyryp etken halyqaralyq jıyn 8-9 qazan kúnderine josparlanǵan.
Central Asia Fintech Summit Almatydaǵy Royal Tulip qonaq úıinde ótýde. Onda halyqaralyq qarjy uıymdarynyń, analıtıkalyq ortalyqtardyń jetekshileri, salanyń bilgir mamandary, táýelsiz sarapshylar jınalǵan.
Jıynnyń basty maqsaty – elimizde jáne Ortalyq Azıada tólem júıeleri men qarjylyq tehnologıalardy damytýǵa yqpal etetin bilim, tájirıbe jáne ıdeıalar almasý alańyn qurý. Qazirgi elishindegi jáne aısaqtaǵy qarjylyq damý úrdisin talqylap, bolashaq qarjylyq landshaftyn qalyptastyrýǵa umtylys jasaý
Atalǵan forým kórnekti saıası qaıratkerlerdi, halyqaralyq sarapshylardy, qarjylyq tehnologıalar kóshbasshylaryn jáne jetekshi fınteh startaptarynyń basyn qosýdy da basty maqsat etken.
Samıttiń túske deıingi sesıalarynda Qazaqstandaǵy qarjy salasynyń sıfrlyq damýy deńgeıi sóz bolýda. Visa jáne Mastercard syndy elektrondy tólem júıesiniń álemdik alyptary da jıynǵa óz ókilin qatystyryp otyr. Olar Qazaqstanmen elektrondy tólem júıesin damytý, saladaǵy qylmystyń aldyn alý boıynsha yntymaqtastyqtyń artyp kele jatqanyn basa belgilep ótti.
The Alnews
