«Almaty Qala Jaryq» kompanıasy qalada keıde shamnyń kúndiz nelikten janyp turatynyn túsindirdi, dep habarlaıdy alnews.
«Almaty Qala Jaryq» MKK basshysy Igor Mysık zakon.kz saıtyna bergen suhbatynda aıtqandaı, 90% jaǵdaıda bul sham aýystyrý, jelini tekserý, úzilgen nemese qysqa tuıyqtalý oryndaryn anyqtaý syndy jóndeý-qalpyna keltirý jumystaryna baılanysty.
Sondaı-aq, ol syrtqy jaryqtandyrý qyzmeti aýdandyq ákimdikterge berilgennen keıin máseleniń áldeqaıda jyldam sheshilip jatqanyn atap ótti. «Qazirgi ýaqytta 40-tan astam jóndeý brıgadasy jumys isteýde, jumystar táýlik boıy, demalyssyz júrgiziledi, sonyń arqasynda ótinishti qaraý merzimi birneshe ese qysqardy jáne ári ketse eń kóp degende eki apta ýaqyt alady. Biraq biz olardy odan da tezirek oryndaımyz», – dedi ol.
AQJ búginde sapasyz ári arzan sham satyp alýdan bas tartty, óıtkeni olar kúńgirt jaryq berip, tez isten shyǵady. Alaıda Igor Mysıktiń aıtýynsha, buǵan deıin osyndaı ónimdi jetkizgen kompanıalar tenderge qaıta qatysýǵa tyrysyp jatyr. «Keıde tender nátıjesin joıýǵa týra keledi, bul sotqa júginemiz, qoımamyzdaǵy shamdardyń taýsylýyna ákeledi. Sol kezde turǵyndardyń ótinishterine ýaqytyly jaýap bere almaımyz», - deıdi ol. Mysık qazirgi ýaqytta qajetti mólsherde shamdardyń bar ekenin jáne ótinishti oryndaýda eshqandaı másele joq ekenin jetkizdi.
