Almatyda Súıinbaı dańǵyly boıyndaǵy Garshın kóshesinen Bekmahanov kóshesine deıingi aralyqtaǵy qubyrdy aýystyrý jumystary aıaqtaldy, dep habarlaıdy alnews.
Bıyl qaıta jóndelgen bóliktiń uzyndyǵy 644,5 metr. Aýystyrylǵan qubyr 1967 jyly paıdalanýǵa berilgen jáne qazirgi ýaqytta 3 kópqabatty turǵyn úı men 1 jeke úıdi jylý jáne ystyq sýmen qamtamasyz etedi.
Jalpy, bıyl Almaty ákimi Erbolat Dosaevtyń tapsyrmasymen qalada 20 shaqyrym jylý júıesi qaıta jańǵyrtylýda. Almatynyń 6 aýdanynda jylytýaralyq kezeńge josparlanǵan qaıta qurý jumystary bekitilgen kestege sáıkes júrgiziledi. Jylý jelilerin qaıta qurý júrgizilgen aýmaqtardy abattandyrý aýa raıyna qaraı kezeń-kezeńimen júrgiziledi.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram arnasynda, aýdandyq ákimdikter men basqarmalardyń áleýmettik jelisinde, sondaı-aq 2GIS pen «Iandeks kartalar» servısinde jarıalanǵan.
