Almatyda jol tóseminiń qyzmet etý merzimin arttyrý jáne joldardy jóndeý kezinde qarjylyq shyǵyndardy azaıtý maqsatynda zamanaýı tehnologıalardy qoldana otyryp ǵylymı zertteýler júrgizilýde, - dep habarlaıdy alnews.
Qalalyq mobıldilik basqarmasynyń habarlaýynsha, jol jabyndylarynyń temperatýrasy men ylǵaldylyǵyn, joldardyń topyraq negizin baqylaý maqsatynda avtomattandyrylǵan júıe keshenderi paıdalanylady.
Búginde 3 metrge deıingi tereńdikte eki jerde, Abaı dańǵylynyń batys baǵytynda Bereke kóshesiniń qıylysynda jáne Gagarın dańǵylynda Jambyl kóshesiniń qıylysynda soltústik baǵytta dachıkter ornatyldy.
Jobanyń ǵylymı kýratory bolyp tabylatyn Jol ǵylymı-óndiristik ortalyǵynyń basshysy Baǵdat Teltaev temperatýra joldyń beriktigi men qýattylyǵyn anyqtaıtyn negizgi sıpattamalardyń biri bolyp tabylatynyn atap ótti. Iaǵnı, fazalyq aýysýlardy eskere otyryp, ýaqyt boıynsha temperatýranyń ózgerý zańdylyqtaryn bilý mańyzdy.
«Júıe stasıonarlyq baqylaý núktelerinde jol qurylymynyń sý-jylý rejıminiń parametrlerin avtomattandyrylǵan jınaýdy júzege asyrady. Jaz mezgilinde temperatýranyń ózgerý zańdylyqtary men sıpattamalaryn belgileı otyryp, biz asfáltbetonǵa tózimdi polımerdi tańdaımyz. Qysta temperatýranyń ózgerý zańdylyqtary men sıpattamalaryn belgileı otyryp, biz jaryqqa tózimdi asfáltbetonǵa arnalǵan polımerdi tańdaımyz. Nátıjesinde gıbrıdti polımeri bar asfáltbeton alamyz», - dep atap ótti Baǵdat Teltaev.
Ákimdik joba uzaq merzimdi bolyp tabylatynyn jáne qalanyń ártúrli bólikterinde taǵy 5 osyndaı keshen ornatý qarastyrylǵanyn habarlady. Sondaı-aq, «orta salmaqtaǵy» kólik quraldarynyń úlesin anyqtaý úshin Almaty qalasynyń negizgi jol ýchaskelerinde kólik aǵynynyń qarqyndylyǵy men quramyn ólsheý boıynsha jumystar oryndalatyn bolady.
Esterińizge sala keteıik, aǵymdaǵy jyly qalada uzyndyǵy 250 km bolatyn 274 kóshe ortasha jóndeldi, osylaısha, joldardyń úlesin jaqsy jáne qanaǵattanarlyq jaǵdaıda 92% - ǵa deıin jetkizý josparlanýda.
