Qala halqynyń kóbeıýi jáne kólikter sanynyń artýy Almatynyń ınfraqurylymdaryna jyl saıyn qysymdy kúsheıtip keledi. Qaladaǵy joldardyń jalpy uzynǵyǵy 3097 shaqyrymdy quraıdy. Degenmen, jyl saıyn osy joldardyń belgili bóligi jóndeýdi qajet etedi.
Sońǵy jyldary Almaty qalasynda jóndeýdi qajet etetin kóshe joldary da kóbeıe tústi. Bıyl kóktem aılarynda qala turǵyndarynan jol sapasyna qatysty 400-den asa shaǵym kelip túsken bolaty. Bul máseleni keshendi retteý úshin Almaty qalasy ákimdigi jaǵynan qaladaǵy jol jóndeý jumystaryn ár jyly josparly túrde júrgizip keledi.
Aıtalyq, 2023 jyldyń ózinde qaladaǵy jalpy uzyndǵy 200 shaqyrymdyq 175 kóshede jol jabyndary jańartylyp,ortasha jóndeý jumystary júrgizilgen bolatyn. Al 2024 jyly ortasha jóndeýden 250 shaqyrymdaǵy kóshe joldaryn otrasha jóndeýden ótkizý josparlanǵan.
Aıta ketý kerek, jyl saıynǵy aýqymdy jol jóndeý josparlarynyń ishinde jol tósemin qalpyna keltirý nemese jańartý, sýaǵar, ótkelder, aıaldamalar men jol jıekterin aýystyrý nemese jasaý, zaqymdalǵan jol bólikterin qalpyna keltirý, kóshe qıylystaryndaǵy, aıaldamalardaǵy ınfraqurylymdyq nysandardy retke keltirý, qaladaǵy kólik qozǵalysynyń qolaına qaraı jol baǵyttaryn nemese kóshe aýmaǵyn keńeıtý; avtoturaqtar, velosıped joldaryn, sondaı-aq jaıaý júrginshilerge arnalǵan joldardy jasaý da kiredi. Qalanyń ınfraqurylymdaryna túsetin qysymdy jeńildetý úshin qosalqy sharalarda qamtylady.
Bundaı ortasha jóndeý jumystaryn Almaty qalasy merdigerler arqyly júrgizetindikten, keminde úsh jyldyq kepildik talap etiledi. Iaǵnı, úsh jylǵa jóndeýden ótken joldardaǵy jańa aqaýlar merdigerler jaǵynan túzetilip otyryrylýy tıis.
Bıyl maýsym aıynda qala boıynsha aýqymdy jol jóndeý jumystary bastalǵan bolatyn. Onyń basyp kóp bóligi qyrkúeık aıyna deıin aıaqtalyp paıdalanýǵa berildi. Maýsym aıyna deıin qala aýdandaryndaǵy 41 000 sharshy metr joldyń tósemi jóndeýden ótken bolsa, jyl sońyna deıin taǵy 310 myń sharshy metr asfáltbeton jabyny bar joldardy jóndeý josparlanǵan.
The Alnews
