Дипломатиялық іс-қимылдың мәнінен мыналарды аңғара аламыз:
- Британияның ОА аймағына қаратқан сыртқы саясаты жаңарды;
- ОА аймағында тағы бір мүдделі тараптың белсенділігі оянды. Мәскеу, Бейжің, Вашингтон, Брюссель, Париж бен Берлин сынды күш орталықтарына Лондон да қосылып отыр;
- Ағылшындар әлемдегі өзге бәсекелес тараптармен қатар аймақтағы мүддесін алға жылжытқысы келеді;
- Британия Ресейге салынған санкцияға бастамашы және тұрақты қолдаушы тарап. Сондықтан, ең кемінде ОА Ресейдің санкциядан айналып өтетін жолы болып кетуінің алдын алғысы келеді;
- Ағылшын елі де өзге бәсекелес тараптарға ұқсас аймақтағы табиғи ресурстарын, әсіресе болашақтағы жаңа энергия көздеріне айналуы мүмкін сирек элементтерден өз үлесін қамтығысы келеді;
- Кезекті дипломатиялық сапарда көбінше мәдени-гуманитарлық бағыттарда ынтымақтастық, сауда-бизнесті қолдау бағытын басты назарға ұстайды; қатарында аймақтағы ағылшын тілін дамыту бағдарламаларын қаржыландыру секілді ұсыныстары да болуы мүмкін.
Жалпы жағдай:
- Сырт күштердің белсенді бола түсуі аймақтағы геосаяси ойындардың жиілігін арттырады;
- Сырт күштердің ОА-дағы қадамның жиілеуі Ресейдің аймақтағы мүддесіне белгілі қауіптер төндіреді; Бұл жағдай өз кезегінде ОА және Ресей арасындағы қарым-қатынастарға жаңа сын-қатерлер алып келеді;
- Аймақ елдері көптарапты сыртқы саясатты сақтау мен дамытуда барған сайын қиын сынақтарға тап келеді;