1. ەسەنتاي مولل
Esentai Mall - بۇل ەرەكشە اتموسفەرا، ساۋدا جانە ويىن-ساۋىق جاعدايلارىن جاساۋ ءۇشىن جاسالعان ەرەكشە ورىنداردىڭ ءبىرى. مۇندا ءسىز فيتنەس-كلۋب جانە سپا، بالالار ويىن-ساۋىق ايماقتارىن تابا الاسىز، مۇنىڭ ءبارى كولىك مىنگەندەرگە دە، جاياۋ جۇرگىنشىلەر ءۇشىن دە وڭاي قول جەتىمدى جەردە. سونىمەن قاتار، Esentai مولدا Ritz-Carlton قوناق ءۇيى، جاقىن جەردە جاپ-جاسىل ساياباعىمەن Esentai اپارتامەنتتەرى بار. ساۋدا ورتالىعى 6 قاباتتان، 100-دەن استام ءساندى دۇكەندەردەن، تاماقتانۋعا ارنالعان 14 ورىنداردان، Korean House Restaurant، EAST، Esentai Gourmet Bar، Fellini Grill Pasta Bar، OZYURT، PAUL Café، SUSHI`N`ROLL جانە ت.ب. سياقتى ورىنداردان تۇرادى. ەسەنتايدا ءتۇرلى ويىن – ساۋىقتار بولعاندىقتان بالالار ءۇشىن دە، ەرەسەكتەر ءۇشىن دە وتە قولايلى: Esentai گالەرەياسى - زاماناۋي ەۋروپالىق جانە قازاقستاندىق سۋرەتشىلەردىڭ كورمەلەرىن، ونەر جانە مۋزىكا تاريحى بويىنشا ءدارىس كۋرستارىن ۇيىمداستىرۋ، جاڭادان باستاپ كەلە جاتقان كوللەكسيونەرلەر ءۇشىن سەمينارلار وتكىزۋ ارقىلى قازاقستاندا ارت-نارىقتى دامىتۋعا ىقپال ەتەدى؛ Next Esentai - وتباسىلىق دەمالىس ءۇشىن وتە ىڭعايلى ءىرى ويىن-ساۋىق ورتالىعى.
2. دوستىق پلازا
دوستىق پلازا – ءبىزدىڭ قالامىزداعى ەڭ تانىمال ورىنداردىڭ ءبىرى. ەگەر ءسىز جوعارى دەڭگەيدەگى قىزمەت جانە جاقسى ينتەرەردى باعالاي بىلەتىن بولساڭىز، وندا بۇل ساۋدا ورتالىعى ءسىزدى قارسى الادى. قوناقتار ساۋدا جاساۋ، فيلمدەر كورۋ، ويىن الاڭىندا بالالارمەن ويناۋ جانە ت.ب. سياقتى ءتۇرلى ويىن-ساۋىقتارمەن اينالىسىپ، جاقسى ۋاقىت وتكىزە الادى. سونىمەن قاتار، بۇل ورىن تىكەلەي قالا ورتالىعىندا ورنالاسقاندىقتان، وتە ىڭعايلى. ساۋدا ورتالىعى فيرمالىق دۇكەندەرى بار، سونداي-اق كينوتەاترى جانە مەيرامحانا اۋلاسى بار 4 قاباتتان تۇرادى.
3. مەگا الما-اتا
قالادا ساۋدا ورتالىقتارى كوپ بولعانىنا قاراماستان، مەگا الما-اتا ورتالىعى قالانىڭ ەڭ العاشقى ساۋدا ورتالىقتارىنىڭ ءبىرى بولىپ تابىلادى، الايدا وسىعان قاراماستان حالىق ەڭ كوپ باراتىن جانە تانىمال ساۋدا ورتالىعى بولىپ تابىلادى. ZARA، New Yorker، Armani Jeans، Marc O’Polo، Monsoon Accessorize، Baldinini، Starbucks، Burger King، KFC، Hardee’s جانە باسقا دا كوپتەگەن تانىمال برەندتەر مەگا الما-اتا ورتالىعىندا العاشقى دۇكەندەرىن اشتى. بۋتيكتەردەن باسقا، مەگا الما-اتا ادامداردى Scott Lighting بريتاندىق كومپانياسىنىڭ «كۇن» شامى، 12 مەترلىك «Wish Tree» الما اعاشى، بەلگىلى سۋرەتشى مارات بەكەيەۆتىڭ كارتينالارى سياقتى جانە ت.ب. ءتۇرلى ارت-نىساندارىمەن قىزىقتىرادى. سونداي-اق، 3ء-شى قاباتتاعى مەيرامحانالار گالەرەياسىمەن تاڭ قالدىرادى، وندا Crudo، SADU، ASSORTI Kazan، «رەستوراننىي دۆوريك»، Korean House جانە «ۆەت كافە» سياقتى مەيرامحانالار بار. اتتراكسيوندار ءوندىرىسى بويىنشا الەمدىك كوشباسشى Technical Park (يتاليا) سالعان قالاعا كەلۋشىلەردى اينالما دوڭگەلەگى دە تارتادى، ول قالاداعى ەڭ بيىك قۇرىلىستاردىڭ ءبىرى بولىپ تابىلادى.
4. مەگا پارك
بۇل ساۋدا ورتالىعىنىڭ اتاۋىن ەستىپ اق بۇل جەر اعاشتار مەن جاسىل جەلەكتەر مەكەنى ەكەندىگىن اڭعارۋ قيىنعا سوقپايدى. مەگا پارك اۋماعىندا 700-گە جۋىق اعاشتار مەن بۇتالار وتىرعىزىلعان. بۇل ساۋدا ورتالىعى تەك 2014 جىلى اشىلعانىنا قاراماستان، الماتىلىقتار مەن تۋريستەردى ءاردايىم وزىنە تارتادى. ساۋدا ورتالىعىنىڭ ينفراقۇرىلىمىنىڭ وزگە ورتالىقتاردان ايىرماشىلىعى – بالالار مەن ەرەسەكتەرگە ارنالعان ۇلكەن ويىن الاڭى بار. مۇندا ءتۇرلى نىساندار بار، مىسالى، شاعىن فۋتبول (قىسقى ۋاقىتتا مۇز ايدىنى) جانە باسكەتبول الاڭدارى؛ 2-6 جانە 6-12 جاستاعى بالالارعا ارنالعان ويىن الاڭدارى؛ Rope Park فرانسۋز كارۋسەلى؛ ورمەلەۋ قابىرعاسى جانە جۇگىرۋ جولى.
5. Colibri
بۇل ساۋدا ورتالىعى ءاۋ باستان-اق وزىندىك ەرەكشە قالالىق نىسان رەتىندە جوسپارلانعان بولاتىن. Colibri-دە ۇسىنىلعان دۇكەندەردىڭ كوپشىلىگى ەكسكليۋزيۆتى. بۇل ساۋدا ورتالىعىنىڭ ينتەرەرىن سالۋ جانە جاساۋ ءۇشىن ەۋروپانىڭ تۇكپىر-تۇكپىرىنەن ماماندار شاقىرىلدى: دەكوراتور انن-شارلوتتا ارنولد (فرانسيا) بۋتيكتىڭ تەرەزەلەرىمەن جۇمىس ىستەدى؛ ازىق-تۇلىك دۇكەنىن بەزەندىرۋگە موحاممەد اديب پەن ماريا ەسكالەي (يسپانيا) شاقىرىلدى، ال Cream Brule Gelato – يتالياندىق دجوۆانني گاستانىڭ جۇمىسى. ناعىز كاسىپقويلاردىڭ بارلىق جاساعان جۇمىستارى بۇل ساۋدا ورتالىعىن تارتىمدى جانە ەرەكشە ەتەدى. ۇسىنىلعان مەكەمەلەردىڭ اسسورتيمەنتى وتە اۋقىمدى: 100-دەن استام ءساندى دۇكەندەر، كرەم-بريۋلەنىڭ كونديتەرلىك ونىمدەرى مەن Barmaglot بارى، Goodwine شاراپ دۇكەنى جانە بالالارعا ارنالعان بىرنەشە ويىن الاڭدارى.
6. موسكۆا ساۋدا ورتالىعى
ايتا كەتەتەتىن جايت، كوپتەگەن ساۋدا ورتالىقتارى قالا ورتالىعىندا ورنالاسقان جانە بۇل اۋىلدىق جەرلەردە تۇراتىن ادامدار ءۇشىن قولايلى ەمەس. دەگەنمەن، ماسكەۋ ساۋدا ورتالىعى – بۇل قالا شەتىندە تۇراتىن تۇرعىندار ءۇشىن وتە قولايلى ساۋدا ورتالىعى. قۇرىلعانىنا از ۋاقىت بولعانىنا قاراماستان، بۇل جەردىڭ ينفراقۇرىلىمى قالانىڭ اجىراماس بولىگى بولىپ تابىلادى. مۇندا 100-گە جۋىق بۋتيك، ۇلكەن كينوتەاتر، بالالارعا ارنالعان 3 ويىن الاڭى جانە مەيرامحانالار مەن فۋد-كورت بار. سونىمەن قاتار، جاقىندا ورتالىق الاڭدا مۇز ايدىنى اشىلدى، جانە قىستا مۇنداعى اتموسفەرا كەرەمەت تاڭ قالدىرادى.
7. اتاكەنت مولل
بارلىق ادامدار ءۇشىن ساۋدا ورتالىعىنىڭ ورنالاسقان جەرى وتە ماڭىزدى كريتەريي بولىپ تابىلادى جانە اتاكەنت مولل وسى كريتەرييدى ەسكەرە وتىرىپ سالىنعان. بۇل جەر ءوزىنىڭ جوعارى ساپاداعى دۇكەندەرى مەن مەيرامحانالارىمەن تانىمال. اۋداندا الماتىداعى ەڭ ۇلكەن ۋنيۆەرسيتەت – ءال فارابي اتىنداعى قازاق ۇلتتىق ۋنيۆەرسيتەتى، جاسىل جەلەكتى جانە ەڭ كوپ كەلەتىن ساياباق – اتاكەنت ساياباعى جانە باسقا دا كوپتەگەن عيماراتتار بار. ول ۋنيۆەرسيتەتتىڭ ماڭىندا ورنالاسقاندىقتان، ستۋدەنتتەر ءۇشىن كوپتەگەن عيماراتتار سالىندى: سپورت زالدارى، قولجەتىمدى باعاداعى كافەلەر، «ستۋدەنت» ۇيالى تەلەفون بۋتيگى جانە ت.ب.
8. گلوبۋس
الماتىنى كەيدە ءبىلىم قالاسى دەپ تە اتايدى، سايكەسىنشە ستۋدەنتتەر مەن جوعارى وقۋ ورىندارىنىڭ سانى كوپ. سول سەبەپتەن كوپتەگەن ساۋدا ورتالىقتارى وقۋ ورىندارىنا نەمەسە جاتاقحانالارعا جاقىن ورنالاسقان. «گلوبۋس» ستۋدەنتتەر ءۇشىن وتە قولايلى ورىن ەكەنى ءسوزسىز، ويتكەنى بۇل ساۋدا ورتالىعىنىڭ جانىندا ءۇش ۋنيۆەرسيتەت پەن ەكى جاتاقحانا بار. نىساندار الۋان ءتۇرلى بولماعانىمەن، ولاردىڭ ءارقايسىسىنىڭ ساپاسى ايتارلىقتاي جوعارى. مىسال كەلتىرەر بولساق، الماتىداعى ەڭ تاڭداۋلى مەيرامحانالاردىڭ ءبىرى «تيۋبەتەيكا»-نىڭ «گلوبۋستا» جەكە فيليالى بار، جانە ساۋدا ورتالىعىنا كەلۋشىلەر وسى جەردە تاماقتانا الادى. سونىمەن قاتار، بۇل اۋداندا كوپتەگەن بيزنەس ورتالىقتارى بار جانە قىزمەتكەرلەردىڭ تۇسكى اس كەزىندە «گلوبۋس»-قا كەلۋى وتە ىڭعايلى. سونداي-اق، بىرنەشە ءسان دۇكەندەرى، سۇلۋلىق سالوندارى، بانكوماتتار، بي ستۋدياسى جانە كوڭىلدى ۋاقىت وتكىزۋگە قاجەتتى باسقا دا نىساندار جەتەرلىك.
9. فورۋم
جالپى اۋدانى 155 000 شارشى مەتردى قۇرايتىن سوڭعى بۋىننىڭ، ۇلكەن ساۋدا جانە ويىن-ساۋىق ورتالىعى. ساۋدا ورتالىعىنىڭ جۇمىس ىستەۋ مەرزىمى قىسقا ەكەندىگىنە قاراماستان، ونىڭ الماتىلىقتار مەن قالا قوناقتارى اراسىندا، كەزدەسۋ ۇيىمداستىرۋعا جانە ساۋدا جاساۋ ءۇشىن تانىمال ورىنعا اينالۋىنا مۇمكىندىگى بار. فورۋمنىڭ ينفراقۇرىلىمى ايتارلىقتاي كەرەمەت ەمەس، ءبىراق ول جاقىن ارادا الماتى قالاسىنداعى ۇزدىك ينفراقۇرىلىمداردىڭ بىرىنە اينالۋى مۇمكىن. فورۋمنىڭ باستى ارتىقشىلىعى ونىڭ ورنالاسقان جەرىندە. ساۋدا ورتالىعى قالانىڭ ورتالىق كوشەلەرىنىڭ قيىلىسىندا، ءىرى بيزنەس ورتالىقتارىنان (نۇرلى-تاۋ، افد)، قوناقۇيلەردەن، قازۇۋ مەن قازۇتۋ-دىڭ ۋنيۆەرسيتەتتەرىنەن، كەرەمەت جانە افد پلازا تۇرعىن ءۇي كەشەندەرىنەن بىرنەشە مينۋتتىق جەردە ورنالاسقان. وسى قولايلىلىقتار بۇل جەردە ءسىز ءوزىڭىزدىڭ سۇيىكتى برەندتەرىڭىزدىڭ دۇكەندەرىندە ساۋدا جاساپ قانا قويماي، ىسكەرلىك كەزدەسۋلەر ۇيىمداستىرىپ، دوستارىڭىزبەن باردا نەمەسە مەيرامحانادا باس قوسىپ، دەمالىس كۇندەرىن وتباسىڭىزبەن وتكىزىپ، جاي عانا جايلىلىقتا دەمالۋعا بولاتىن وتە ىڭعايلى ورىنعا اينالدىرادى.
10. ADK
ADK – بۇل كوپتەگەن پايدالى جانە وزىڭىزگە جاعىمدى ساۋدا جاساپ قانا قويماي، ءوزىڭىزدى جاقسى دەمالىسپەن قۋانتۋعا بولاتىن ورىن. ADK ساۋدا ورتالىعى Chaplin Cinema كينوتەاترىنىڭ 6 زالى، Kinderville بالالار ويىن-ساۋىق ساياباعى جانە Savanka بالالار قالاشىعى، A-Store ازىق-تۇلىك دۇكەنى جانە Pinta، KFC، Burger King جانە ت.ب. تاماقتانۋ ورىندارىن قامتيدى. ساۋدا ورتالىعى تۇرعىن اۋداندا ورنالاسقاندىقتان، ماڭىندا تۇرعىن ءۇي كەشەندەرى كوپ. وسىلايشا، «ADK» ساۋدا ويىن-ساۋىق كەشەنى اۋدان تۇرعىندارىنا وتە قولايلى.
