2024 جىلعى 19 قاڭتار مەن 1 اقپان ارالىعىندا كانۆوندو قالاسىندا (وڭتۇستىك كورەيا) وتەتىن IV قىسقى جاسوسپىرىمدەر وليمپياداسىنا قازاقستان سپورتشىلارى دا قاتىسادى، دەپ حابارلايدى اlnews.kz.
قازىرگى ۋاقىتتا ەل قۇراماسىندا 5 سپورت ءتۇرى (10 ديسيپلينا) بويىنشا 30 ليسەنزيا بار (42 سپورتشى). بيىلعى جىلدىڭ باستى وقيعاسى – پاريجدەگى جازعى وليمپيادا ويىندارى دەپ اتاۋعا بولادى. بۇل دودا 26 شىلدە مەن 11 تامىز ارالىعىندا الەمنىڭ 205 ەلىنەن كەلگەن 10 مىڭنان استام سپورتشىنىڭ قاتىسۋىمەن وتەدى. ءتورت جىلدىقتىڭ جارىسىندا سپورتتىڭ 32 تۇرىنەن 329 مەدال جيىنتىعى ساراپقا سالىنادى. قازاقستان ۇلتتىق قۇراماسى سپورتتىڭ 20 تۇرىنە قاتىسۋدى جوسپارلاپ وتىر. بۇگىنگى تاڭدا جەرلەستەرىمىزدە سپورتتىڭ 8 ءتۇرى بويىنشا (ساداق اتۋ، ۆەلوشوسسە، وق اتۋ، قازىرگى بەسسايىس، گرەك-ريم كۇرەسى، ەركىن كۇرەس، سپورتتىق گيمناستيكا جانە بوكس) 17 ليسەنزيا بار. الدا 90-عا جۋىق ليسەنزيالىق جارىس كۇتىپ تۇر. سوندىقتان جولدامالار سانىن ءالى دە كوبەيتۋ مۇمكىندىگى بار.
ەلىمىز ءۇشىن جىلدىڭ ماڭىزدى تاريحي وقيعاسى – ەلوردادا V دۇنيەجۇزىلىك كوشپەندىلەر ويىندارىن ۇيىمداستىرۋ جانە وتكىزۋ (2024 جىلعى 8-14 قىركۇيەك ارالىعىندا). قازاقستانعا الەمنىڭ 100-دەن استام ەلىنەن دەلەگاسيالار كەلەدى دەپ كۇتىلۋدە. ويىنداردىڭ بىرەگەيلىگى – سپورتتىق، مادەني جانە عىلىمي باعدارلامالاردىڭ ۇشتاسۋىندا. باعدارلاماعا 20 جارىستىق جانە 10 كورنەكى سپورت ءتۇرى كىرىپ، 110 مەدال جيىنتىعى ويناتىلادى. جارىس ات سپورتى، ۇلتتىق كۇرەس، ساداق اتۋ، قۇستارمەن اڭ اۋلاۋدىڭ تۇرلەرى، ءداستۇرلى زياتكەرلىك ويىندار بويىنشا وتەدى. قازىرگى ۋاقىتتا ۇلتتىق قۇراما دايارلىقتى باستادى، كوماندالار قۇرامى قالىپتاسۋدا، وقۋ-جاتتىعۋ شارالارى وتكىزىلۋدە.
بيىل استانادا ايەلدەر اراسىنداعى بوكستان الەم چەمپيوناتى وتەدى. بۇل تۋرالى تاشكەنتتە (وزبەكستان) وتكەن حالىقارالىق بوكس قاۋىمداستىعىنىڭ (IBA) رەسمي وتىرىسىندا حابارلاندى. IBA فەدەراسياسى پرەزيدەنتىنىڭ ايتۋىنشا، ءتۋرنيردىڭ جالپى جۇلدە قورى 4،8 ميلليون اقش دوللارىن قۇرايدى. الەم چەمپيونى اتانعان بوكسشى 200 000 اقش دوللارىن الادى.
سونداي-اق 2024 جىلدىڭ قاراشاسىنا استانا قالاسىندا سامبودان الەم چەمپيوناتى جوسپارلانعان. وتكەن جىلى كۇزدە ەريەۆاندا وتكەن سامبودان 48ء-شى الەم چەمپيوناتىنا 65 ەل قاتىسىپ، جالپى ەسەپتە قازاقستان قۇراماسى 1 التىن، 2 كۇمىس جانە 5 قولامەن ءۇشىنشى ورىنعا تابان تىرەدى.
