الماتى اكىمى ەربولات دوسايەۆ تۇركسىب اۋدانىن ارالاۋ بارىسىندا زاكارپاتسكايا كوشەسى بويىنداعى سۋمەن جابدىقتاۋ جانە سۋ بۇرۋ جەلىلەرىنىڭ قۇرىلىسىمەن تانىستى.
2014 جىلى الماتى وبلىسىنان الماتىعا قوسىلعان ۋچاسكەدە ورتالىقتاندىرىلعان كوممۋنيكاسيالار بولعان جوق. تۇرعىندار ءوز كۇشىمەن ۇجىمدىق سۋ قۇبىرىن تارتىپ، سۋ بۇرۋ ءۇشىن سەپتيكتەردى پايدالاندى. ۋاقىت وتە كەلە، پايدالانۋ كەزىندە توزعان سۋ قۇبىرى جۇكتەمەلەردى كوتەرە الما سەبەبىنەن، سۋمەن جابدىقتاۋدا ۇزىلىستەر جيىلەپ كەتتى.
بۇل ماسەلەنى شەشۋ ءۇشىن تۇركسىب اۋدانىنىڭ اكىمدىگى 4،8 كم سۋ قۇبىرى، 1،6 كم كارىز جانە ەكى كارىز سورعى ستانسياسى (كسس) قۇرىلىسىنىڭ جوباسىن ازىرلەدى. قۇرىلىس-مونتاج جۇمىستارى 2022 جىلى باستالىپ، سول جىلدىڭ ماۋسىم ايىندا اياقتالدى.
بۇگىنگى تاڭدا ينجەنەرلىك جەلىلەردى توسەۋ جۇمىستارى اياقتالدى، ءبىراق جوبادا ەكەۋى قاراستىرىلعانىمەن، تەك ءبىر كسس ورناتىلدى. وسىعان بايلانىستى اعىمداعى جىلدىڭ تامىز ايىندا تۇركسىب اۋدانىنىڭ اكىمدىگى مەردىگەر ۇيىمدى جۇمىستاردى تولىق ورىنداماعانى جنە ۋاقىتى جاعىنان ۇلگەرمەگەنى ءۇشىن سوتقا تالاپ-ارىز بەردى. سوت ءىستى قاراۋدا.
جۇمىس بارىسىمەن تانىسۋ بارىسىندا ەربولات دوسايەۆ قۇرىلىستى سوڭىنا دەيىن جەتكىزۋدى جانە وبەكتىلەردى پايدالانۋعا بەرۋدى جەدەلدەتۋدى تاپسىردى. اۋدان اكىمى ەكىنشى كسس وسى جىلدىڭ جەلتوقسان ايىندا ورناتىلاتىنىنا سەندىردى. ناتيجەسىندە ورتالىق كوممۋنيكاسيالارمەن 300-دەن استام تۇرعىن تۇراتىن 70 ءۇي قامتىلادى.
قالا اكىمى ەربولات دوسايەۆتىڭ باستاماسى بويىنشا قابىلدانعان ينجەنەرلىك كوممۋنيكاسيالاردى ۇستاۋدىڭ جاڭا ەرەجەلەرىن ەسكەرە وتىرىپ، اسفالتبەتون جابىنىن قالپىنا كەلتىرۋ جۇرگىزىلگەنىن اتاپ وتكەن ءجون. ەگەر بۇرىن جول توسەمى تەك ترانشەيا ارقىلى قالپىنا كەلتىرىلسە، ءقازىر جولدىڭ بۇكىل ەنى بويىنشا قالپىنا كەلتىرىلەدى.
