تۋريزم ءجانە سپورت مينيسترلءىگءى قىتايداعى قازاقستان تۋريزمءى جىلىن ءوتكءىزۋگە دايىندالۋدا
تۋريزم جانە سپورت ءمينيسترى ەرمەك مارجىقپايەۆ جۇڭگو حالىق رەسپۋبليكاسىنىڭ مادەنيەت جانە تۋريزم ءمينيسترى سۋن ەليمەن كەزدەسىپ، قىتايداعى قازاقستان ءتۋريزمى جىلىن وتكىزۋ جوسپارلارىن جانە تۋريزم سالاسىنداعى ءوزارا ىنتىماقتاستىق ودان ءارى دامىتۋ ماسەلەلەرىن تالقىلادى.
پرەزيدەنت قاسىم-جومارت توقايەۆتىڭ بىلتىر قىتايعا جاساعان رەسمي ساپارى بارىسىندا 2024 جىل – قىتايداعى قازاقستان ءتۋريزمى جىلى دەپ جاريالانعان بولاتىن، دەپ حابارلايدى اlmaty-akshamy.kz. رەسمي كەزدەسۋ بارىسىندا تۋريزم جانە سپورت مينيسترلىگى قىتايدىڭ ءىرى قالالارىندا ءبىرقاتار ماڭىزدى ءىس-شارالاردى وتكىزۋ تۇجىرىمداماسىن ۇسىندى. قىتايداعى قازاقستان ءتۋريزمى جىلىنىڭ رەسمي اشىلۋ سالتاناتى ناۋرىز ايىنىڭ سوڭىنا جوسپارلانعان. بارلىعى 25-تەن استام ءتۇرلى ءىس-شارالار وتكىزىلمەك.
«جۇڭگو قازاقستان ءۇشىن باسىم تۋريستىك نارىق پەن ماڭىزدى سەرىكتەستەردىڭ ءبىرى سانالادى. ويتكەنى ەكى ەلدىڭ گەوگرافيالىق ورنالاسۋى، جىبەك جولى بويىنداعى تاريحى تەرەڭ بايلانىسى بارلىق سالادا ءوزارا ىقپالداستىققا وڭ اسەرىن تيگىزەدى. بۇگىنگى تاڭدا ەلدەرىمىز اراسىنداعى تۋريستىك اعىنى پاندەمياعا دەيىنگى كورسەتكىشكە قايتا كوتەرىلىپ وتىر»، - دەپ اتاپ ءوتتى ەرمەك مارجىقپايەۆ.
ماسەلەن، جۇڭگو تۋريستەرى بىلتىر قازاقستانعا ەڭ كوپ كەلگەن توپ-5 ەلدىڭ قاتارىنا ەندى. ستاتيستيكا دەرەكتەرى بويىنشا، بىلتىرعى جىلدىڭ 9 ايىندا قازاقستاندا 75 مىڭنان استام قىتايلىق تۋريستكە قىزمەت كورسەتىلگەن. ال قىتايدان قازاقستانعا كەلۋشىلەردىڭ جالپى سانى 200 مىڭ ادامنان استى. ۆەدومستۆو باسشىسى بىلتىر ەكى ەل اراسىندا ۆيزاسىز رەجيم ەنگىزىلگەنىن جانە بيىل تىكەلەي رەيستەر سانىن اپتاسىنا 30-عا دەيىن ۇلعايتۋ جوسپارىن ەسكەرە وتىرىپ، تۋريستىك اعىننىڭ ودان ءارى ارتۋى مۇمكىن ەكەنىن اتاپ ءوتتى. سونداي-اق كەزدەسۋ بارىسىندا تاراپتار تۋريزم سالاسىنداعى ماركەتينگ جانە ينۆەستيسيا تارتۋدى، ەلدەردىڭ تۋريستىك ۇيىمدارى اراسىنداعى ءوزارا ىنتىماقتاستىقتى كۇشەيتۋدى، سونداي-اق تاجىريبە الماسۋدى تالقىلادى. جيىن سوڭىندا ەرمەك مارجىقپايەۆ شىۇ-عا مۇشە مەملەكەتتەردىڭ تۋريستىك اكىمشىلىكتەرى باسشىلارىنىڭ الداعى كەزدەسۋىنە قاتىسۋ ءۇشىن سۋن ەلي مىرزانى قازاقستانعا شاقىردى.
Almaty-akshamy.kz
