Sءاlem Entertainment ءوز جوباسىنا قاتىستى جاڭا اقپاراتتى جاريالادى، - دەپ حابارلايدى alnews. «دوسپەحي بوگا: ۋلتيماتۋم» كارتيناسىنىڭ رەجيسسەرى جەكە ءوزى دجەكي چان تاڭداعان قازاقستاندىق روبەرت كۋن بولادى.
روبەرت كۋن قازاقستاندىق اۋديتورياعا رۇستەم وماروۆتىڭ MEOW، OFFSIDE جانە «پاترۋل: پوسلەدنيي پريكاز» فيلمدەرىندەگى رولدەرىمەن تانىس. ءبىراق حالىقارالىق كاسىبي كينوقوعامداستىق ءۇشىن روبەرت 20 جىلدان استام ۋاقىت بويى ەكشن-ساحنالاردىڭ ءوزىن دالەلدەگەن رەجيسسەرى بولىپ تابىلادى. ول Disney، Paramount، 20th Century Fox، Universal، MGM ستۋديالارىنىڭ جوبالارىندا جۇمىس ىستەدى، «دنيەۆنوي دوزور»، «وسوبو وپاسەن»، «پرەزيدەنت لينكولن: وحوتنيك نا ۆامپيروۆ»، «بەن-گۋر»، «ون – دراكون»، «ۆرەميا پەرۆىح»، «مايور گروم: يگرا» فيلمدەرىن جانە تمد-داعى ەڭ كاسسالىق فرانشيزا – «پوسلەدنيي بوگاتىر» بارلىق جوبالارىن جاساۋعا قاتىستى.
بۇدان باسقا، روبەرت تەك شەتەلدە جانە Sءاlem Entertainment-ءتىڭ ءىرى جوبالارى ءۇشىن ەكسكليۋزيۆتى جۇمىس ىستەيتىن قازاقستاندىق Action Studio Kun-Do-نىڭ جەتەكشىسى بولىپ تابىلادى.
«مەن ءۇشىن وسىنداي دەڭگەيدەگى حالىقارالىق جوبانى باسقارعان رەجيسسەر بولۋ ۇلكەن مارتەبە. بالا كەزىمىزدەگى فيلمدەرگە ءتانتى بولعان اداممەن يىق تىرەستىرە جۇمىس ىستەيتىنىمە ءالى دە سەنە المايمىن. ءبىزدىڭ بۇكىل توبىمىز بۇل جوبانىڭ وتاندىق كينەماتوگرافيانىڭ دامۋىنا سەرپىن بەرۋىن ماقسات ەتەدى، وسى ءۇشىن قازاقستاندىق ماماندار تارتىلادى. بۇل ۇلكەن جاۋاپكەرشىلىك، كورەرمەندەرىمىز بەن وتانداستارىمىزدىڭ قولداۋىنا سەنەمىز»، – دەپ اتاپ ءوتتى روبەرت كۋن.
«دوسپەحي بوگا: ۋلتيماتۋم» ءفيلمىنىڭ ءتۇسىرىلىمى 2026 جىلدىڭ كوكتەمىندە باستالادى. الدا ءالى اكتەرلەر قۇرامى مەن جوبانىڭ اۋقىمى تۋرالى كوپتەگەن جاڭالىقتار بار. نە كۇتىپ تۇرعانىن ءبىرىنشى بولىپ ءبىلۋ ءۇشىن @salem.entertainment رەسمي پاراقشالارىنداعى جاڭارتۋلاردى قاداعالاڭىز.
