مەملەكەت باسشىسى قاسىم-جومارت توقايەۆ عىلىم جانە جوعارى ءبىلىم ءمينيسترى ساياسات نۇربەكتى قابىلدادى، - دەپ حابارلايدى alnews، اقورداعا سىلتەمە جاساپ.
مينيستر ەلىمىزدە وسى ۋاقىتقا دەيىن شەتەلدىك جوعارى وقۋ ورىندارىنىڭ 25 فيليالى اشىلعانىن ايتتى. سونداي-اق، شەتەلدىك سەرىكتەستەرمەن ايماقتارداعى مەملەكەتتىك ۋنيۆەرسيتەتتەردى حالىقارالىق ءبىلىم بەرۋ ستاندارتتارى بار زەرتتەۋ ۋنيۆەرسيتەتتەرىنە اينالدىرۋ تۋرالى كەلىسىمدەرگە قول جەتكىزىلگەن.
ساياسات نۇربەك جاساندى ينتەللەكتىنى دامىتۋ جونىندەگى پرەزيدەنت تاپسىرمالارىنىڭ ورىندالۋى تۋرالى ەسەپ بەردى. ونىڭ ايتۋىنشا، ءقازىر 8 جوعارى وقۋ ورنىندا 15 ءبىلىم بەرۋ باعدارلاماسى بويىنشا 2000-نان استام ستۋدەنت جاساندى ينتەللەكت سالاسىن وقىپ جاتىر. سيفرلىق ەكونوميكاعا بەيىمدەلگەن كادرلاردىڭ الەۋەتىن دامىتۋ ءۇشىن Google، Nvidia، Coursera، 01 Edu System جانە Huawei سياقتى ترانسۇلتتىق كومپانيالارمەن ىنتىماقتاستىق ورناتىلعان. سونداي-اق جاساندى ينتەللەكت سالاسىندا ماماندار دايارلاۋ ءۇشىن «بولاشاق» باعدارلاماسى ارقىلى جىل سايىن 100 ستيپەنديا ءبولۋ جوسپارلانىپ وتىر.
كەزدەسۋ سوڭىندا مەملەكەت باسشىسى جاتاقحانالار سالۋ، جوعارى ءبىلىم مەن عىلىم ينفراقۇرىلىمىن ودان ءارى دامىتۋ جونىندە ءبىرقاتار تاپسىرما بەردى.
