27 قازان، جەكسەنبىدە وزبەكستاندا پارلامەنت جانە ايماقتىق دەپۋتاتتاردى سايلاۋ وتەدى، دەپ حابارلايدى alnews.
"سايلاۋدا زاڭ شىعارۋ پالاتاسىنىڭ 150 دەپۋتاتى، سەناتتىڭ 56 مۇشەسى، قاراقالپاقستاننىڭ جوعارعى كەڭەسىنىڭ 65 دەپۋتاتى، سونداي-اق وبلىستىق، تاشكەنت جانە 208 اۋداندىق (قالالىق) كەڭەستەردىڭ دەپۋتاتتارى سايلانادى. وسىلايشا، سايلاۋ پروسەسىنە 30 مىڭعا جۋىق كانديدات پەن ولاردىڭ 90 مىڭعا جۋىق سەنىمدى تۇلعالارى، سونداي-اق سايلاۋ كوميسسيالارىنىڭ 120 مىڭنان استام مۇشەسى ۇيىمداستىرۋشى رەتىندە جانە 70 مىڭنان استام جەرگىلىكتى جانە شەتەلدىك (حالىقارالىق) باقىلاۋشىلار قاتىسادى دەپ كۇتىلۋدە"، - دەپ حابارلادى وسك.
ايتا كەتەيىك، سايلاۋ العاش رەت ماجوريتارلى-پروپورسيونالدىق جۇيە نەگىزىندە وتەدى. پارلامەنتتىڭ تومەنگى پالاتاسىنىڭ 75 دەپۋتاتى ماجوريتارلىق جۇيە بويىنشا، قالعان 75 - پروپورسيونالدى جۇيە بويىنشا سايلانادى.
ناۋرىزدا وزبەكستان پرەزيدەنتى شاۆكات ميرزيويەۆ دەپۋتاتتارمەن كەزدەسۋدە ساياسي پارتيالاردىڭ ءرولىن ارتتىرۋ ءۇشىن ارالاس سايلاۋ جۇيەسىنە كوشۋدى ۇسىندى.
