2026 جىلعى 5 قاراشادا قازاق سپورت جانە تۋريزم اكادەمياسىندا كورنەكتى جازۋشى، دراماتۋرگ، قوعام قايراتكەرى روللان شاكەن ۇلى سەيسەنبايەۆتىڭ 80 جىلدىق مەرەيتويىنا وراي ادەبي-تانىمدىق جانە شىعارماشىلىق كەزدەسۋ ءوتتى، - دەپ حابارلايدى alnews.
رۋحاني-مادەني شارانىڭ باستى ماقساتى – جاس ۇرپاق اراسىندا ۇلتتىق ادەبيەت پەن رۋحانياتتى دارىپتەۋ، كورنەكتى قالامگەردىڭ ءومىر جولى مەن شىعارماشىلىعىن تانىستىرۋ، ونىڭ قازاق ادەبيەتى مەن مادەنيەتىنە قوسقان ۇلەسىن كەڭىنەن ناسيحاتتاۋ.
تاعىلىمدى جۇزدەسۋگە اكادەميانىڭ پروفەسسور-وقىتۋشىلار قۇرامى، ۇستازدار قاۋىمى مەن ادەبيەتكە قىزىعۋشىلىق تانىتقان ستۋدەنتتەر قاتىستى. كەزدەسۋدىڭ قۇرمەتتى قوناقتارىنىڭ قاتارىندا «قازاق ادەبيەتى» گازەتىنىڭ باس رەداكتورى، بەلگىلى اقىن باۋىرجان جاقىپ بولدى. ول ءوز سوزىندە روللان سەيسەنبايەۆ شىعارماشىلىعىنىڭ ەرەكشەلىگىنە توقتالىپ، قالامگەر تۋىندىلارىنىڭ قازاق ادەبيەتى مەن ۇلتتىق رۋحانياتتاعى ايرىقشا ورنىنا نازار اۋداردى.
كەزدەسۋ بارىسىندا جازۋشى ءوزىنىڭ شىعارماشىلىق جولى، ادەبيەت پەن قوعامنىڭ بايلانىسى، ۇلتتىق قۇندىلىقتار مەن رۋحاني ساباقتاستىق جونىندە وي ءبولىستى. قاتىسۋشىلار قالامگەرگە كوكەيلەرىندەگى سۇراقتارىن قويىپ، ەركىن پىكىر الماستى. جۇزدەسۋ مازمۇندى اڭگىمە مەن تاعىلىمدى ويلارعا تولى بولدى.
شارانىڭ ەرەكشە ساتتەرىنىڭ ءبىرى – قازاق سپورت جانە تۋريزم اكادەمياسىنىڭ پرەزيدەنتى قايرات قايروللا ۇلى زاكيريانوۆتىڭ مەرەيتوي يەسىنە كورسەتكەن قۇرمەتى بولدى.
اكادەميانىڭ عىلىمي كەڭەسىنىڭ شەشىمىمەن روللان شاكەن ۇلى سەيسەنبايەۆقا قازاق ادەبيەتى مەن مادەنيەتىن دامىتۋعا قوسقان ەلەۋلى ۇلەسى، كوپ جىلعى جەمىستى ەڭبەگى مەن جوعارى كاسىبي جەتىستىكتەرى ءۇشىن «قازاق سپورت جانە تۋريزم اكادەمياسىنىڭ قۇرمەتتى پروفەسسورى» اتاعى بەرىلدى.
سونىمەن قاتار، «ۇلى دالانىڭ ۇلى ەسىمدەرى» حالىقارالىق اسسامبلەياسىنىڭ اتىنان ۇلى دالا حالقىنىڭ رۋحاني مۇراسىن جاڭعىرتۋعا قوسقان ايرىقشا ۇلەسى ءۇشىن قالامگەر «ۇلى دالانىڭ كەنتاۆرى» وردەنىمەن ماراپاتتالدى.
بۇل ماراپاتتار – مەرەيتوي يەسىنىڭ شىعارماشىلىق ەڭبەگىنە، ۇلتتىق ادەبيەت پەن مادەنيەتكە سىڭىرگەن قىزمەتىنە كورسەتىلگەن زور قۇرمەتتىڭ بەلگىسى.
80 جىلدىق مەرەيتوي اياسىنداعى مازمۇندى كەزدەسۋ جوعارى دەڭگەيدە ءوتىپ، قاتىسۋشىلارعا ەرەكشە رۋحاني اسەر سىيلادى. مۇنداي تاعىلىمدى جۇزدەسۋلەر جاس ۇرپاقتىڭ دۇنيەتانىمىن كەڭەيتىپ، ادەبيەت پەن ونەرگە قۇرمەتىن ارتتىرىپ، ۇلت رۋحانياتىنىڭ ساباقتاستىعىن نىعايتا تۇسەدى.
قازاق سپورت جانە تۋريزم اكادەمياسى ءبىلىم مەن سپورتتى عانا ەمەس، ۇلتتىق مادەنيەت پەن رۋحاني قۇندىلىقتاردى دارىپتەۋدى دە ءوزىنىڭ ماڭىزدى باعىتتارىنىڭ ءبىرى سانايدى.
