مارتەبەلى مەيماننىڭ قۇرمەتىنە رەزيدەنسيا الدىندا ەلىمىزدىڭ اۋە قورعانىسى كۇشتەرىنىڭ تىكۇشاقتارى قازاقستان مەن تاجىكستاننىڭ مەملەكەتتىك تۋلارىن جەلبىرەتىپ ۇشتى، - دەپ حابارلايدى اقوردا.
قاسىم-جومارت توقايەۆ پەن ەمومالي راحمون بىر-بىرىنە رەسمي دەلەگاسيا مۇشەلەرىن تانىستىردى. قۇرمەت قاراۋىلى روتاسىنىڭ باستىعى راپورت بەرگەن سوڭ پرەزيدەنت وركەسترى ەكى ەلدىڭ ءانۇراندارىن ورىندادى. سودان كەيىن پرەزيدەنتتەر كەلىسسوز جۇرگىزدى.
