ديپلوماتيالىق ءىس-قيمىلدىڭ مانىنەن مىنالاردى اڭعارا الامىز:
- بريتانيانىڭ وا ايماعىنا قاراتقان سىرتقى ساياساتى جاڭاردى؛
- وا ايماعىندا تاعى ءبىر مۇددەلى تاراپتىڭ بەلسەندىلىگى وياندى. ماسكەۋ، بەيجىڭ، ۆاشينگتون، بريۋسسەل، پاريج بەن بەرلين سىندى كۇش ورتالىقتارىنا لوندون دا قوسىلىپ وتىر؛
- اعىلشىندار الەمدەگى وزگە باسەكەلەس تاراپتارمەن قاتار ايماقتاعى مۇددەسىن العا جىلجىتقىسى كەلەدى؛
- بريتانيا رەسەيگە سالىنعان سانكسياعا باستاماشى جانە تۇراقتى قولداۋشى تاراپ. سوندىقتان، ەڭ كەمىندە وا رەسەيدىڭ سانكسيادان اينالىپ وتەتىن جولى بولىپ كەتۋىنىڭ الدىن العىسى كەلەدى؛
- اعىلشىن ەلى دە وزگە باسەكەلەس تاراپتارعا ۇقساس ايماقتاعى تابيعي رەسۋرستارىن، اسىرەسە بولاشاقتاعى جاڭا ەنەرگيا كوزدەرىنە اينالۋى مۇمكىن سيرەك ەلەمەنتتەردەن ءوز ۇلەسىن قامتىعىسى كەلەدى؛
- كەزەكتى ديپلوماتيالىق ساپاردا كوبىنشە مادەني-گۋمانيتارلىق باعىتتاردا ىنتىماقتاستىق، ساۋدا-بيزنەستى قولداۋ باعىتىن باستى نازارعا ۇستايدى؛ قاتارىندا ايماقتاعى اعىلشىن ءتىلىن دامىتۋ باعدارلامالارىن قارجىلاندىرۋ سەكىلدى ۇسىنىستارى دا بولۋى مۇمكىن.
جالپى جاعداي:
- سىرت كۇشتەردىڭ بەلسەندى بولا ءتۇسۋى ايماقتاعى گەوساياسي ويىنداردىڭ جيىلىگىن ارتتىرادى؛
- سىرت كۇشتەردىڭ وا-داعى قادامنىڭ جيىلەۋى رەسەيدىڭ ايماقتاعى مۇددەسىنە بەلگىلى قاۋىپتەر توندىرەدى؛ بۇل جاعداي ءوز كەزەگىندە وا جانە رەسەي اراسىنداعى قارىم-قاتىناستارعا جاڭا سىن-قاتەرلەر الىپ كەلەدى؛
- ايماق ەلدەرى كوپتاراپتى سىرتقى ساياساتتى ساقتاۋ مەن دامىتۋدا بارعان سايىن قيىن سىناقتارعا تاپ كەلەدى؛
