رەسمي پەتيسيا جاريالايتىن ەpetition.kz سايتىندا "ب" كورپۋسىنداعى مەملەكەتتىك قىزمەتشىلەردىڭ جالاقىسىن ارتتىرۋدى ۇسىنعان ۇندەۋ جاريالاندى، دەپ حابارلايدى alnews.
ۇندەۋ 24 ماۋسىمدا جاريالانىپ ۇلتتىق ەكونوميكا مينيسترلىگىنە باعىتتالعان. ەگەر بيىل 24 جەلتوقسانعا دەيىن 50 مىڭ ادام قولداسا، مينيسترلىك پەتيسيانى زاڭ اياسىندا قاراۋى ءتيىس.
پەتيسيانىڭ اۆتورى "ب" كورپۋسىندا جۇمىس ىستەيتىن مامان نەمەسە باس ماماننىڭ ورتاشا جالاقىسى 200 مىڭ تەڭگەنى قۇرايتىنىن ايتىپ، ونى كەم دەگەندە 70%-عا ارتتىرۋدى سۇراپ وتىر. سەبەبى تومەنگى لاۋازىمدا جۇمىس ىستەيتىندەردىڭ جالاقىسى وتە از دەيدى.
سايتتا پىكىر جازعانداردىڭ جارتىسى قولداسا، كەيبىرى الدىمەن جۇمىس ساپاسىن جاقسارتسىن دەگەن تالاپ قويعان.
ايتا كەتەيىك، ستاتيستيكا بيۋروسىنىڭ مالىمەتىنشە، بيىل I توقساندا ەلىمىزدەگى ورتاشا جالاقى 382 279 تگ قۇراعان.
