25-26 قاراشادا يتاليانىڭ فيۋجي قالاسىندا G7 ەلدەرىنىڭ سىرتقى ساياسي ۆەدومستۆو باسشىلارى كەزدەسۋدە، - دەپ حابارلايدى alnews.
كەزدەسۋدەگى باستى تاقىرىپ ليۆان مەن گازا سەكتورىنداعى قارۋلى قاقتىعىستار بۇگىنگە شارىقتاۋ شەگىنە جەتىپ وتىر. بۇۇ مالىمەتىنە سۇيەنسەك. ليۆاندا 2023 جىلدىڭ 8 قازانىنان بەرى 3 مىڭنان استام ادام قازا تاپقان. بۇل رەسمي مالىمەت. بەيرەسمي بۇدان دا كوپ بولۋى مۇمكىن.
ەكى كۇننەن بەرى يتاليادا ءوتىپ جاتقان ۇلكەن جەتىلىكتىڭ جيىنىندا باستى تاقىرىپ وسى بولدى. يتاليانىڭ ءسىم باسشىسى انتونيو ءتايانيدىڭ سوزىنە قاراعاندا ءسىم باسشىلارى قاقتىعىسقا ءتۇسۋشى تاراپتار شەكارالارى اراسىندا بۋفەرلىك ايماق قۇرۋعا ۋاعدالاسقان. الايدا كەلەسى جىلى قاڭتاردا جاعداي وزگەرىپ كەتۋى مۇمكىن. سەبەبى دونالد ترامپ تاياۋ شىعىستاعى جاعدايدى وزگەرتەتىنى ءسوزسىز.
