الماتىنىڭ تۇركسىب اۋدانىنداعى «جۇلدىز» شاعىناۋدانىندا ون كوپقاباتتى ۇيگە تيەسىلى ءتورت اۋلا كۇردەلى جوندەۋدەن ءوتتى، - دەپ حابارلايدى alnews.
جۇمىستار № 44–45، № 46، № 18 جانە № 18ا ۇيلەردىڭ اۋلاسىن قامتىدى. بۇل تۋرالى تۇركسىب اۋدانى اكىمدىگىنىڭ وكىلدەرى حابارلادى.
اۋلالارداعى اسفالت جابىنى جاڭارتىلىپ، اشىق اسپان استىنداعى جاتتىعۋ قۇرىلعىلارى، ورىندىقتار، قوقىس جاشىكتەرى جانە شاعىن ساۋلەت نىساندارى ورناتىلدى. بالالار جانە سپورت الاڭدارىنا رەزەڭكە جابىن توسەلىپ، سىرتقى جارىقتاندىرۋ جۇيەسى جاڭارتىلدى، سۋ بۇرۋ جۇيەلەرى ورناتىلدى. سونداي-اق بەينەباقىلاۋ كامەرالارىن ورناتۋ قاراستىرىلعان.
اۋلالاردى كۇردەلى جوندەۋدەن بولەك، 2026 جىلى اۋداندا تاعى 16 اۋلاعا اعىمداعى جوندەۋ جۇمىستارى جۇرگىزىلدى.
قوعامدىق كەڭىستىكتەردى جاڭارتۋ جۇمىستارى «حالىق قاتىساتىن بيۋدجەت» باعدارلاماسى اياسىندا دا جۇزەگە اسىرىلىپ جاتىر. بيىل تۇركسىب اۋدانىندا تۇرعىندار ۇسىنعان 24 جوبا ىسكە اسىرىلۋدا. ولاردىڭ قاتارىندا 11 سكۆەر مەن جۇرگىنشىلەر ايماعىن، سەگىز بالالار جانە سپورت الاڭىن كوركەيتۋ، ءتورت اۆتوماتتى سۋارۋ جۇيەسىن ورناتۋ جانە ءبىر اۆتوتۇراق سالۋ جوباسى بار.
باعدارلاما اياسىندا تۇرعىندار اۋلالاردى كوركەيتۋ، قوعامدىق اۋماقتاردى جاڭارتۋ جانە قالا ينفراقۇرىلىمىن دامىتۋ بويىنشا جوبا ۇسىنا الادى.
باعدارلاما تۋرالى تولىق اقپارات https://budget.open-almaty.kz/ سايتىندا جاريالانعان.
