الماتىنىڭ مەدەۋ اۋدانىندا اۋلا اۋماقتارىن كوركەيتۋ جانە اعىمداعى جوندەۋ جۇمىستارى جالعاسىپ كەلەدى، - دەپ حابارلايدى alnews.
بيىل تۇرعىندارعا قولايلى ءارى ءقاۋىپسىز ورتا قالىپتاستىرۋ ماقساتىندا 16 اۋلا اۋماعىن جاڭارتۋ جوباسى جۇزەگە اسىرىلىپ جاتىر.
«حالىق قاتىساتىن بيۋدجەت» باعدارلاماسى اياسىندا مىنا مەكەنجايلار بويىنشا 6 جوبا قولعا الىنعان:
* ماقاتايەۆ كوشەسى، 53 – پۋشكين كوشەسى، 35؛
* دوستىق كوشەسى، 47 – قابانباي باتىر كوشەسى، 65؛
* دۋمان-2 شاعىناۋدانى، №25-26 جانە №29-30 ۇيلەر؛
* قونايەۆ كوشەسى، 4 – ءۋاليحانوۆ كوشەسى، 9؛
* نۇسىپبەكوۆ كوشەسى، 10؛
* قالداياقوۆ كوشەسى، 49 جانە 51 – ءۇي ماڭىندا قورشاۋ ورناتۋ.
جاڭارتۋ كەزىندە بالالار مەن تۇرعىندار ءجيى پايدالاناتىن اۋماقتاردىڭ قاۋىپسىزدىگى مەن قولايلىلىعىنا باسا نازار اۋدارىلىپ وتىر. ماسەلەن، دۋمان-2 شاعىناۋدانىنداعى №25-26 جانە №29-30 ۇيلەردىڭ اۋلاسىنداعى اعىمداعى جوندەۋ جۇمىستارى اياقتالدى. بالالار الاڭىنداعى رەزەڭكە جابىن تولىق جاڭارتىلىپ، جاڭا ويىن قۇرىلىمدارى ورناتىلدى. ورىندىقتار جوندەلىپ، اۋماقتىڭ قاۋىپسىزدىگىن قامتاماسىز ەتۋ ءۇشىن قورشاۋ قويىلدى.
اۋلا اۋماقتارىن اعىمداعى جوندەۋ اياسىندا تاعى 10 جوبا جۇزەگە اسىرىلىپ جاتىر:
* سامال-1 شاعىناۋدانى، №37-40 ۇيلەر؛
* دوستىق كوشەسى، 294/2؛
* ساتبايەۆ كوشەسى، 10؛
* زەنكوۆ كوشەسى، 86؛
* نازاربايەۆ داڭعىلى، 48؛
* قۇلجا تاس جولى، 2ا؛
* يانۋشكيەۆيچ كوشەسى، 18/16؛
* پوتانين كوشەسى، 6؛
* قونايەۆ كوشەسى، 110؛
* قاجىمۇقان كوشەسى، 16/1.
جوندەۋ بارىسىندا بالالار الاڭدارى، جابىندار، ورىندىقتار، قورشاۋلار جانە باسقا دا كوركەيتۋ ەلەمەنتتەرى جاڭارتىلىپ، رەتكە كەلتىرىلەدى. نەگىزگى ماقسات – اۋلالاردىڭ سىرتقى كەلبەتىن جاقسارتىپ قانا قويماي، تۇرعىندار ءۇشىن ءقاۋىپسىز ءارى جايلى ورتا قالىپتاستىرۋ.
