الماتىدا 5-6 قىركۇيەكتە ەكولوگيالىق ادەتتەرگە، قايتا وڭدەۋگە جانە شىعارماشىلىققا ارنالعان ەكى كۇندىك ەكوۋيكەند وتەدى، - دەپ حابارلايدى alnews.
ءىس-شارانى «Eco Almaty» ج ش س قولداۋىمەن ECO Network ۇيىمداستىرادى.
ەكوۋيكەند MEGA Alma-Ata ساۋدا-ويىن-ساۋىق ورتالىعىنىڭ Event Space الاڭىندا وتەدى. باعدارلامادا ەكولوگيالىق بەلسەندىلىكتەر، قايتا وڭدەۋ ۇدەرىسىن كورسەتۋ، ينتەراكتيۆتى كۆيز، سونداي-اق بالالار مەن ەرەسەكتەرگە ارنالعان ساباقتار قاراستىرىلعان.
باعدارلامانىڭ ءبىر بولىگى رەتىندە Bedazzled شىعارماشىلىق شەبەردىڭ ساباعى وتەدى. وندا قاتىسۋشىلار قيالىنا ەرىك بەرىپ، ءوز قولىمەن بىرەگەي جۇمىستار جاساي الادى.
ەكوۋيكەند بەيرەسمي فورماتتا قايتا وڭدەۋ، قورشاعان ورتاعا جاۋاپكەرشىلىكپەن قاراۋ جانە ەكولوگيالىق ادەت تۋرالى كوبىرەك بىلۋگە مۇمكىندىك بەرەدى.
