الماتى قالاسىنىڭ اكىمدىگى «تازا قازاقستان» باعدارلاماسى اياسىندا «الماتى – ءبىزدىڭ ورتاق ءۇيىمىز» ناۋقانىنىڭ ءبىر بولىگى رەتىندە «ۇزدىك كوممۋنالدىق قىزمەتكەر» بايقاۋىن جاريالايدى. بايقاۋ 2025 جىلدىڭ 5 ناۋرىزىندا باستالىپ، 20 ناۋرىزعا دەيىن جالعاسادى، - دەپ حابارلايدى alnews الماتى قالاسى اكىمدىگىنە سىلتەمە جاساي وتىرىپ.
بايقاۋدىڭ ماقساتى – كوپقاباتتى تۇرعىن ۇيلەردىڭ اۋلاسىن كۇتىپ-ۇستاۋ ساپاسىن ارتتىرۋ جانە كوركەيتۋگە ىنتالاندىرۋ. بايقاۋعا كوپقاباتتى ۇيلەر مەن اۋلالاردىڭ ورتاق اۋماقتارىن كوركەيتۋمەن اينالىساتىن ۇيىمداردىڭ قىزمەتكەرلەرى قاتىسا الادى.
جەڭىمپازدارعا ديپلومدار مەن ارنايى سىيلىقتار، سونداي-اق اقشالاي ماراپاتتار تابىستالادى:
1-ورىن – 150 000 تگ
2-ورىن – 100 000 تگ
3-ورىن – 50 000 تگ (تۇرمىستىق تەحنيكا)
ءوتىنىم 2025 جىلدىڭ 17 ناۋرىزىنا دەيىن اۋدان اكىمى اپپاراتتارىنىڭ كوممۋنالدىق شارۋاشىلىق بولىمىندە قابىلدانادى. ءوتىنىمدى قاتىسۋشىنىڭ مىنەزدەمەسىمەن، قىزمەت كورسەتەتىن اۋماقتاردىڭ ءتىزىمى جانە جەكە دەرەكتەردى وڭدەۋگە كەلىسىم قاجەت.
الاتاۋ اۋدانى: okx-2998636@mail.ru
جەتىسۋ اۋدانى: okh_zhetysu@mail.ru
مەدەۋ اۋدانى: medeu.okkh@mail.ru
اۋەزوۆ اۋدانى: okx_auezov@mail.ru
المالى اۋدانى: 2720213@mail.ru
بوستاندىق اۋدانى: Okh2017@list.ru
تۇركسىب اۋدانى: 2231153okx@mail.ru
ناۋرىزباي اۋدانى: yerasyl.adilbayev@mail.ru
باعالاۋ كريتەرييلەرى:
- ۇيىمداعى ۇزدىكسىز ەڭبەك ءوتىلى،
- تەحنيكالىق ماماندىقتاردىڭ بولۋى،
- ءۇي ماڭىنداعى اۋماقتاردىڭ سانيتارلىق جاعدايى،
- كوگالداردىڭ جاعدايى جانە قوقىستىڭ بولماۋى،
- جاسىل جەلەكتەر مەن ويىن الاڭدارىنىڭ جاي-كۇيى،
- تۇرعىنداردىڭ پىكىرى.
قاتىسۋشىلاردىڭ جۇمىسىن ارنايى كوميسسيا باعالايدى. قۇرامىنا دەپۋتاتتار، قوعامدىق كەڭەس وكىلدەرى جانە باسقا دا ساراپشىلار كىرەدى. جەڭىمپازدار بايقاۋ قورىتىندىسى شىققان سوڭ ماراپاتتالادى.
تولىق اقپارات الۋ ءۇشىن اۋدان اكىمدىكتەرىنىڭ كوممۋنالدىق شارۋاشىلىق بولىمىنە حابارلاسۋعا بولادى.
