2025 جىلى 7 ساۋىردە ۇلى جەڭىستىڭ 80 جىلدىعىنا دايىندالعان «الماتى قالاسىنىڭ مەملەكەتتىك ارحيۆ قۇجاتتارىنداعى سۇراپىل سوعىستىڭ جاڭعىرىعى» اتتى تاقىرىپتىق كورمە ءوتتى. وندا قازاقستاندىقتاردىڭ ۇلى جەڭىسكە، وتاندى قورعاۋعا جانە قازاقستاننىڭ سوعىستان كەيىنگى دامۋىنا قوسقان ۇلەسىن كورسەتەتىن قۇجاتتار قويىلدى.
كورمەدە الماتى قالاسىنىڭ مەملەكەتتىك ءارحيۆىنىڭ قورقۇرۋشىلارى ۇلى وتان سوعىسىنىڭ ارداگەرلەرى: كەڭەس وداعىنىڭ باتىرى، ستالينگراد شايقاسىنىڭ قاتىسۋشىسى، گۆارديا پولكوۆنيگى، پەداگوگيكا عىلىمدارىنىڭ كانديداتى، قازاق كسر حالىق اعارتۋ ءىسىنىڭ ۇزدىگى سۇراعانوۆ قۇدايبەرگەن ماعزۇمۋلانىڭ قۇجاتتارى؛ كەڭەس وداعىنىڭ باتىرى، ۇلى وتان سوعىسىنىڭ ارداگەرى جيلا فەدور نيكيتوۆيچ، «داڭق» وردەنىنىڭ تولىق كاۆالەرى – يبرايم قالدىبايەۆ؛ لەنينگرادتى قورعاۋعا قاتىسقان، 3 دارەجەلى «داڭق» وردەنىنىڭ تولىق كاۆالەرى الەكسەي الەكساندروۆيچ ميحايلوۆ؛ ۇلى وتان سوعىسىنىڭ ارداگەرى، ستالينگراد شايقاسىنىڭ قاتىسۋشىسى، قازاقتىڭ تۇڭعىش ۇلتتىق ءمۋلتفيلمنىڭ اۆتورى، مادەنيەت قايراتكەرى قايداروۆ امەن ءابجان ۇلى؛ ۇلى وتان سوعىسىنىڭ ارداگەرى، ءى جانە ءىى دارەجەلى «وتان سوعىسى»، «ەڭبەك قىزىل تۋ»، «قۇرمەت بەلگىسى» وردەندەرىنىڭ يەگەرى بايسەيىتوۆ رىمبەك سماق ۇلى؛ ۇلى وتان سوعىسىنىڭ ارداگەرى، «قىزىل جۇلدىز»، ءىى دارەجەلى «وتان سوعىسى» وردەنىنىڭ، «ماسكەۋدى قورعاعانى ءۇشىن»، «گەرمانيانى جەڭگەنى ءۇشىن» مەدالدارىمەن ماراپاتتالعان، سۋرەتشى، الپينيست، قازاقستاننىڭ بيىك تاۋلى ءالپينيزمنىڭ نەگىزىن قالاۋشى، ەڭبەك سىڭىرگەن سپورت شەبەرى ەۆگەنيي ميحايلوۆيچ كولوكولنيكوۆ؛ ۇلى وتان سوعىسىنىڭ ارداگەرى، قازاق كسر حالىق ءارتىسى، رەجيسسەر كەنجەتايەۆ كاۋكەن كەنجەتاي ۇلى؛ ۇلى وتان سوعىسىنىڭ ارداگەرى، ميكولوگ، مەديسينا عىلىمدارىنىڭ كانديداتى، قازاقستان رەسپۋبليكاسىنىڭ ەڭبەك سىڭىرگەن دارىگەرى عاليا ابدۋلحادي قىزى مۇلاعۇلوۆا؛ رەسپۋبليكالىق راديونىڭ ديكتورى ماريۋحين گەنناديي پەتروۆيچتىڭ اكەسى ۇلى وتان سوعىسىنىڭ قاتىسۋشىسى پەتر ءماريۋحيننىڭ جازعان حاتتارى ۇسىنىلدى.
سونداي-اق كورمەدە ستالينگرادتىق – الماتىلىقتار: گاۆريلوۆا كلاۆديا نيكولايەۆنا؛ ەسەركەپوۆا تاتيانا اگەيەۆنا؛ رۋميانسيەۆا سوفيا اركاديەۆنا؛ كاتكوۆا انتونينا كيريلوۆنا؛ پوگودينا فاتيما بەليالوۆنا؛ ماسلوۆا ۆالەنتينا الەكساندروۆنا؛ بۋدارنوۆا ەكاتەرينا ميحايلوۆنا؛ براگينا زينايدا تيتوۆنانىڭ قۇجاتتارى، ەستەلىكتەرى، فوتوسۋرەتتەرى مەن جەكە قۇجاتتارىنىڭ كوشىرمەلەرى قويىلعان.
بۇل كورمەدە 100ء-شى قازاق ۇلتتىق اتقىشتار بريگاداسىنىڭ قاتىسۋشىلارى: ۇلى وتان سوعىسىنىڭ ارداگەرى، كينورەجيسسەر، اكتەر، سەناريست ءماجيت بەگاليننىڭ مۇراعاتتىق قۇجاتتارى؛ ۇلى وتان سوعىسىنىڭ ارداگەرى، قىزىل جۇلدىز، ءىى دارەجەلى «وتان سوعىسى» وردەنىنىڭ، «موسكۆانى قورعاعانى ءۇشىن»، «گەرمانيانى جەڭگەنى ءۇشىن» مەدالدارىنىڭ يەگەرى، 100-اتقىشتار بريگاداسىنىڭ دابىلشىسى كەرەيەۆ بەكبوسىننىڭ قۇجاتتارى نازارعا ۇسىنىلدى.
كورمەگە ءفاشيزمدى جەڭگەن ۇلى جەڭىستە ماڭىزدى ءرول اتقارعان قاھارماندىق تاعدىرلار مەن ماڭىزدى تاريحي ساتتەردى بەينەلەيتىن جەكە قۇجاتتار، فوتوسۋرەتتەر، ءومىرباياندىق دەرەكتەر، العىس حاتتار، مايداننان كەلگەن حاتتار قويىلعان.
بۇل كورمە ۇلى وتان سوعىسى ارداگەرلەرىن ەسكە الۋ مەن قۇرمەتتەۋدىڭ ماڭىزدىلىعىن اتاپ ءوتىپ، سونداي-اق بولاشاق ۇرپاق ءۇشىن تاريحي مۇرانى ساقتاۋعا ارنالعان.
