الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ جانە ونىڭ نەگىزسىز وسۋىنە جول بەرمەۋ ماقساتىندا الماتى قالاسى كاسىپكەرلىك جانە ينۆەستيسيالار باسقارماسى قالالىق ساۋدا جانە تۇتىنۋشىلاردىڭ قۇقىعىن قورعاۋ دەپارتامەنتىمەن جانە باسقا دا مەملەكەتتىك ورگاندارمەن بىرلەسىپ، ازىق-تۇلىك نارىعىنداعى باعا تۇراقتىلىعىن قامتاماسىز ەتۋگە باعىتتالعان كەشەندى شارالاردى تۇراقتى تۇردە جۇرگىزىپ كەلەدى، - دەپ حابارلايدى alnews.
اتاپ ايتقاندا، ازىق-تۇلىك تاۋارلارىنىڭ باعاسىن قالىپتاستىرۋدىڭ بارلىق كەزەڭىندەگى دەلدالدىق سحەمالاردى انىقتاۋ جونىندەگى وڭىرلىك كوميسسيانىڭ وتىرىستارى تۇراقتى تۇردە وتكىزىلەدى. كوميسسيا جۇمىسى اياسىندا ءىرى ساۋدا نىساندارىندا، ساۋدا جەلىلەرىندە، سۋپەرماركەتتەردە، بازارلاردا جانە ءۇي ماڭىنداعى دۇكەندەردە ساۋدا قىزمەتى سالاسىنداعى زاڭناما تالاپتارىنىڭ ساقتالۋىنا جۇيەلى تۇردە مونيتورينگ جۇرگىزىلىپ، تالداۋ جاسالادى.
الەۋمەتتىك ماڭىزى بار ازىق-تۇلىك تاۋارلارىنا بەلگىلەنگەن ساۋدا ۇستەمەسىنىڭ شەكتى مولشەرىن ساقتاۋ ماسەلەسىنە ەرەكشە نازار اۋدارىلادى.
جۇرگىزىلگەن جۇمىستاردىڭ ناتيجەسىندە جىل باسىنان بەرى الەۋمەتتىك ماڭىزى بار ازىق-تۇلىك تاۋارلارىنا بەلگىلەنگەن ساۋدا ۇستەمەسىنىڭ شەكتى مولشەرىنەن اسىرۋ جانە ساۋدا قىزمەتىن رەتتەۋ سالاسىنداعى زاڭنامانىڭ وزگە دە تالاپتارىن بۇزۋ فاكتىلەرى بويىنشا تالاپتاردى ساقتاماعان كاسىپكەرلىك سۋبەكتىلەرىنە قاتىستى جالپى سوماسى 82 ملن تەڭگەدەن اساتىن 2003 اكىمشىلىك حاتتاما تولتىرىلدى.
بۇل باعىتتاعى جۇمىس جالعاسىپ جاتىر جانە زاڭناما تالاپتارىنىڭ ساقتالۋىن قامتاماسىز ەتۋگە، سونداي-اق قالانىڭ ازىق-تۇلىك نارىعىنداعى باعا تۇراقتىلىعىن قولداۋعا باعىتتالعان.
