الماتىدا «مۇمكىندىكتەر ۋاقىتى - بولاشاعى بار بالا» اتتى حالىقارالىق عىلىمي – پراكتيكالىق كونفەرەنسيا ءوتتى. قازاقستاننان جانە شەتەلدەردەن كەلگەن جەتەكشى ساراپشىلار مەن پراكتيكتەر ەرەكشە قاجەتتىلىكتەرى بار بالالارعا ەرتە كومەك كورسەتۋگە قاتىستى ماڭىزدى ماسەلەلەردى جانە قازاقستاندا ەرتە ارالاسۋ جۇيەسىن دامىتۋ پەرسپەكتيۆالارىن تالقىلادى، - دەپ حابارلايدى alnews.
بۇعان دەيىن الماتى قالاسىنىڭ اكىمى ەربولات دوسايەۆتىڭ تاپسىرماسى بويىنشا مەگاپوليستە الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسىنىڭ بىرەگەي ەرتە ارالاسۋ ورتالىعى قۇرىلدى، ول جىل سايىن 1 000 بالانى قامتۋدى جوسپارلاپ وتىر.
بۇگىنگى تاڭدا الماتى قالاسىندا 18 جاسقا دەيىنگى 9 526 بالا ەرەكشە قاجەتتىلىككە يە. 3 جاسقا دەيىنگى ەرەكشە قاجەتتىلىكتەرى بار بالالار 800-گە جۋىق. 2024 جىلدىڭ باسىنان باستاپ ۇرىقتى قورعاۋ ورتالىعىنىڭ ەرتە ارالاسۋ جۇيەسى اياسىندا «بءىر كۇندىك كلينيكا» جوباسىن ىسكە اسىرا وتىرىپ، تۋا بىتكەن دامۋ اقاۋلارىنىڭ 918 جاعدايى انىقتالدى، وسىلايشا دامۋ اقاۋلارىن ەرتە انىقتاۋ قامتاماسىز ەتىلدى، بۇل نارەستە ءولىمىنىڭ تومەندەۋىنە اكەلدى. پەداگوگيكالىق تۇزەتۋ ورگاندارى (پتو، پمپك) 2024 جىلدىڭ وتكەن كەزەڭىندە 1683 بالاعا كومەك كورسەتتى. 2024 جىلدىڭ وتكەن كەزەڭىندە ەرەكشە قاجەتتىلىكتەرى بار 1000 بالا مەملەكەتتىك الەۋمەتتىك تاپسىرىس ارقىلى ارناۋلى الەۋمەتتىك قىزمەتتەرمەن (ءااق) قامتىلدى.
«الماتى قالاسىنىڭ ەرتە ارالاسۋ جۇيەسى ءومىردىڭ ەڭ ەرتە كەزەڭدەرىندە بالالاردىڭ دامۋىنداعى بۇزۋشىلىقتاردى انىقتاۋعا جانە كەشەندى كومەك كورسەتۋگە باعىتتالعان. بۇل بالالاردىڭ مۇگەدەكتىك دەڭگەيىن تومەندەتىپ قانا قويماي، بالالار مەن ولاردىڭ وتباسىلارىنىڭ ءومىر ءسۇرۋ ساپاسىن ەداۋىر جاقسارتادى. قۇرىلعان ەرتە ارالاسۋ ورتالىعىنىڭ بىرەگەيلىگى رەگلامەنت نەگىزىندە دەنساۋلىق ساقتاۋ، ءبىلىم بەرۋ جانە الەۋمەتتىك قورعاۋ باسقارمالارى اراسىنداعى ۆەدومستۆوارالىق ءوزارا ءىس - قيمىل جۇيەسىن ەنگىزۋ بولىپ تابىلادى، ول بالانى ەرتە ارالاسۋ باعدارلاماسىنا انىقتاعان جانە قابىلداعان ساتتەن باستاپ جانە ول اياقتالعانعا دەيىن ۆەدومستۆولىق ءوزارا ءىس-قيمىل پروسەسىن كەزەڭ-كەزەڭىمەن سيپاتتايدى»، - دەدى الماتى اكىمىنىڭ ورىنباسارى اسەم ءنۇسىپوۆا.
ەرتە ارالاسۋ ورتالىعىنىڭ اشىلۋى فيزيكالىق، كوگنيتيۆتى جانە ەموسيونالدىق دامۋدىڭ نەگىزگى داعدىلارى مەن نەگىزدەرى قالىپتاساتىن ماڭىزدى كەزەڭدى - تۋعاننان ءۇش جاسقا دەيىن قامتيتىن جۇيەنى قۇرۋعا مۇمكىندىك بەردى. وسى كەزەڭدەگى ۋاقتىلى ارالاسۋ بۇزۋشىلىقتاردىڭ سالدارىن ازايتادى، بۇل بالانىڭ قوعامعا ءساتتى ينتەگراسيالانۋىنا ىقپال ەتەدى.
كونفەرەنسيا جۇمىسىنا الىس جانە جاقىن شەتەلدەردىڭ 7 ەلىنەن ەرتە ارالاسۋ سالاسىنداعى 11 حالىقارالىق ساراپشى قاتىستى. بۇدان باسقا، ونلاين-فورماتقا قازاقستاننىڭ ءتۇرلى ەلدەرى مەن وڭىرلەرىنەن دەنساۋلىق ساقتاۋ، ءبىلىم بەرۋ جانە الەۋمەتتىك قورعاۋ ماماندارى قاتىستى. كونفەرەنسيا بالالاردىڭ مۇگەدەكتىك دەڭگەيىن تومەندەتۋدىڭ زاماناۋي تاسىلدەرىن تالقىلاۋ، سونداي-اق ساراپشىلار قاۋىمداستىعى اراسىنداعى ىنتىماقتاستىق پەن تاجىريبە الماسۋدى نىعايتۋ ءۇشىن ماڭىزدى الاڭعا اينالدى.
ءىس-شارا قورىتىندىسى بويىنشا قازاقستاندا ەرتە ارالاسۋ جۇيەسىن ودان ءارى دامىتۋ جانە جەتىلدىرۋ بويىنشا ۇسىنىستار ازىرلەندى. ەرەكشە قاجەتتىلىكتەرى بار بالالاردىڭ ءومىر ءسۇرۋ ساپاسىن جاقسارتۋ جانە ولاردىڭ وتباسىلارىن قولداۋ بويىنشا ودان ءارى قادامدار جاساۋعا نەگىز بولاتىن قارار ازىرلەندى.
