4 قازاندا قبتۋ اۋماعىندا كەزەكتى قالالىق Recycle بىرگە ەكواكسياسى وتەدى، - دەپ حابارلايدى alnews.
«Eco Almaty» ج ش س وكىلدەرىنىڭ مالىمەتىنشە، بۇل ءىس-شارا جوبانىڭ بيىلعى اشىق اسپان استىنداعى سوڭعى كەزدەسۋى بولماق.
Recycle بىرگە – الماتى تۇرعىندارىن قالدىقتاردى بولەك جيناۋ، سانالى تۇتىنۋ جانە زاتتاردى قايتا پايدالانۋ يدەيالارى توڭىرەگىندە بىرىكتىرەتىن ەكولوگيالىق الاڭ. 2019 جىلدان بەرى جۇزەگە اسىرىلىپ كەلە جاتقان جوبا قالا تۇرعىندارىن، بالالى وتباسىلاردى، ەرىكتىلەردى، ەكولوگيالىق باستامالار مەن جەرگىلىكتى جوبالاردى تۇراقتى تۇردە ءبىر ورتاعا جينايدى.
اكسيا بارىسىندا قاتىسۋشىلار قايتالاما شيكىزاتتى قايتا وڭدەۋگە تاپسىرا الادى، قاجەتسىز زاتتارىن قايتا پايدالانۋعا بەرە الادى، زاتتار مەن كىتاپتار الماسىپ، ءتۇرلى ەكولوگيالىق ءىس-شارالارعا قاتىسۆدى نەمەسە جاي عانا بىرگە ۋاقىت وتكىزە الادى.
📅 4 قازان
⏰ 12:00–15:00
📍 قبتۋ، تولە بي كوشەسى، 59، پانفيلوۆ كوشەسى جاعىنان كىرۋ
ەكواكسيا «تازا قازاقستان» رەسپۋبليكالىق ەكولوگيالىق اكسياسى اياسىندا، المالى اۋدانى اكىمدىگى مەن قبتۋ-دىڭ قولداۋىمەن وتەدى. ءىس-شارا المالى اۋدانىنىڭ 90 جىلدىعىنا وراي ۇيىمداستىرىلادى.
