بۇگىن، 8 قازاندا الماتى قالاسىندا ورتالىق ازيا فينتەح ءسامميتى باستالدى. قارجى سەكتورىن، سيفرلىق تولەم جۇيەسى جانە سيفرلاندىرۋ، ەلەكتروندى ەكوجۇيە سالالارىندا اسا ماڭىزدى تاقىرىپتاردى كوتەرگەن حالىقارالىق جيىننىڭ الماتى قالاسىندا ءوتۋى شاھاردىڭ ايماقتاعى قارجىلىق ورنىن ايقىندايدى.
قازاقستانداعى جانە ايماقتاعى قارجىلىق تەحنولوگيالاردى دامىتۋ ماسەلەلەرىن، وزگەدە ەكونوميكالىق، قارجىلىق ماسەلەلەردى تاقىرىپ ەتكەن حالىقارالىق جيىن 8-9 قازان كۇندەرىنە جوسپارلانعان.
Central Asia Fintech Summit الماتىداعى Royal Tulip قوناق ۇيىندە وتۋدە. وندا حالىقارالىق قارجى ۇيىمدارىنىڭ، اناليتيكالىق ورتالىقتاردىڭ جەتەكشىلەرى، سالانىڭ بىلگىر ماماندارى، تاۋەلسىز ساراپشىلار جينالعان.
جيىننىڭ باستى ماقساتى – ەلىمىزدە جانە ورتالىق ازيادا تولەم جۇيەلەرى مەن قارجىلىق تەحنولوگيالاردى دامىتۋعا ىقپال ەتەتىن ءبىلىم، تاجىريبە جانە يدەيالار الماسۋ الاڭىن قۇرۋ. قازىرگى ەلىشىندەگى جانە ايساقتاعى قارجىلىق دامۋ ءۇردىسىن تالقىلاپ، بولاشاق قارجىلىق لاندشافتىن قالىپتاستىرۋعا ۇمتىلىس جاساۋ
اتالعان فورۋم كورنەكتى ساياسي قايراتكەرلەردى، حالىقارالىق ساراپشىلاردى، قارجىلىق تەحنولوگيالار كوشباسشىلارىن جانە جەتەكشى فينتەح ستارتاپتارىنىڭ باسىن قوسۋدى دا باستى ماقسات ەتكەن.
ءسامميتتىڭ تۇسكە دەيىنگى سەسسيالارىندا قازاقستانداعى قارجى سالاسىنىڭ سيفرلىق دامۋى دەڭگەيى ءسوز بولۋدا. Visa جانە Mastercard سىندى ەلەكتروندى تولەم جۇيەسىنىڭ الەمدىك الىپتارى دا جيىنعا ءوز وكىلىن قاتىستىرىپ وتىر. ولار قازاقستانمەن ەلەكتروندى تولەم جۇيەسىن دامىتۋ، سالاداعى قىلمىستىڭ الدىن الۋ بويىنشا ىنتىماقتاستىقتىڭ ارتىپ كەلە جاتقانىن باسا بەلگىلەپ ءوتتى.
The Alnews
