الماتى قالاسىنىڭ قالا قۇرىلىسىن باقىلاۋ باسقارماسى سوت شەشىمى بويىنشا زاڭسىز دەپ تانىلعان اينابۇلاق -1 6 «ب» ش/ا كافەنى بۇزۋدىڭ باستالعانى تۋرالى حابارلادى.
كافەنىڭ مەنشىك يەسى (جەكە تۇلعا) اپز، ەسكيزدىك جوبانى كەلىسۋ، جوبانى ساراپتاۋ جانە قۇرىلىس-مونتاج جۇمىستارىنىڭ باستالعانى تۋرالى حابارلاما بولماسا دا قۇرىلىستى سالعان.
بۇرىن باسقارما مەنشىك يەسىنە قاتىستى اكىمشىلىك شارالار قابىلداپ، انىقتالعان بۇزۋشىلىقتاردى جويۋعا نۇسقاما بەرگەن بولاتىن.
2024 جىلعى 7 اقپاندا باسقارما جەتىسۋ اۋداندىق سوتىنا وبەكتىنى بۇزۋعا تالاپ ارىز بەردى. سوت شەشىمىمەن تالاپ-ارىزدار قاناعاتتاندىرىلدى، قالالىق سوتتىڭ 2024 جىلعى 19 ماۋسىمداعى قاۋلىسىمەن شەشىم وزگەرىسسىز قالدى.
بۇزۋ ادىلەت دەپارتامەنتىنىڭ سوت ورىنداۋشىلارىنىڭ قاتىسۋىمەن باستالدى.
ەستەرىڭىزگە سالا كەتەيىك، الماتى اكىمى ەربولات دوسايەۆتىڭ قۇرىلىسقا باقىلاۋدى كۇشەيتۋ جونىندەگى تاپسىرماسى اياسىندا وتكەن جىلدىڭ باسىنان بەرى 53 زاڭسىز نىسان، ونىڭ ىشىندە «مەچتا»، «Khan»، «الما گاردەن» تۇرعىن ءۇي كەشەندەرى جانە باسقالارى تولىعىمەن نەمەسە ءىشىنارا بۇزىلعان بولاتىن.
